મોરબીમાં મારામારીના ગુનામાં અવારનવાર ઝડપાયેલ રીઢો ગુનેગાર પાસા તળે જેલહવાલે

મોરબી શહેર વિસ્તારના મારામારી તથા રાયોટીંગના ગુન્હામાં અવારનવાર પોલીસ ચોપડે ચડી ગયેલ લુખ્ખા અને રીઢા ગુનેગારને મોરબી સિટી એ ડિવિઝન પોલીસે પાસા હેઠળ ઝડપી પાડીને જેલહવાલે કર્યો હતો. મોરબી સિટી એ ડિવિઝન પોલીસ સ્ટેશન વિસ્તારમાં અવારનવાર મારામારી તથા રાયોટીંગના ગુન્હામાં ઝડપાયેલ કાલિકા પ્લોટ, જલાલ ચોકમાં રહેતા આરોપી ઈરફાન કરીમભાઈ પારેડી વિરુદ્ધ એ ડિવિઝન પોલીસ દ્વારા પાસાની પ્રપોઝલ કરવામાં આવી હતી જે અન્વયે જીલ્લા કલેક્ટરે પાસા પ્રપોઝલ મંજૂર કરીને પાસા વોરંટ ઈસ્યુ કરવામાં આવ્યું હતું જેથી એ ડિવિઝન પોલીસે ઈરફાનની અટકાયત કરીને વડોદરા જેલ હવાલે કર્યો હતો.