રાજકોટમાં 17 જૂને ભારત અને દ.આફ્રિકા વચ્ચે T-20 મેચ

રાજકોટના SCA સ્ટેડિયમમાં રમાશે મેચ, ટિકિટનો ભાવ 1000થી 8000

 અઢી વર્ષ બાદ આંતરરાષ્ટ્રીય ક્રિકેટની વાપસી, જઈઅએ તૈયારી શરૂ કરી

 ટિકિટ ઑનલાઈન અને ઑફ્ફલાઇન એમ બંને રીતે વેચાણ કરાશે

ખાસ-ખબર સંવાદદાતા
આગામી 17મી જૂનના રોજ રાજકોટના-જામનગર રોડ પર ખંઢેરી સ્થિત સૌરાષ્ટ્ર ક્રિકેટ એસોસિએશન (જઈઅ) સ્ટેડિયમમાં ભારત અને દક્ષિણ આફ્રિકા વચ્ચે ટી-20 મેચ રમાનાર છે. જેને લઈ જઈઅએ તડામાર તૈયારી શરૂ કરી દીધી છે. જોકે આ મેચને લઇ સૌરાષ્ટ્ર અને ગુજરાતના ક્રિકેટ રસિકોમાં ભારે ઉત્સાહ જોવા મળી રહ્યો છે. જઈઅએ આ મેચ માટેની ટિકિટના દરની જાહેરાત કરી દીધી છે. આ મેચમાં ટિકિટના દરમાં વધારો કરવામાં આવ્યો છે, અગાઉના 8 મેચમાં જે ટિકિટ 500થી લઇ 7000 સુધી મળતી હતી તે ટિકિટના ભાવ વધારીને તે 1000થી લઇ 8000 સુધી નક્કી કરવામાં આવ્યા છે. સ્ટેડિયમમાં ઇસ્ટ સ્ટેન્ડ, વેસ્ટ સ્ટેન્ડ અને સાઉથ પેવેલિયન એમ ત્રણ પાર્ટ પાડીને તે મુજબ ટિકિટનાં દર નક્કી કરવામાં આવ્યા છે. એટલું જ નહીં આ મેચ માટે ખાસ કોર્પોરેટ બોક્સ પણ બનાવવામાં આવ્યા છે. જેમાં ટઈંઙ લોકોને સાથે ડિનર પણ મળશે. આ ટિકિટ ઓનલાઈન અને ઓફલાઇન એમ બન્ને રીતે વેચાણ કરવામાં આવશે.

સ્ટેડિયમમાં ત્રણ પાર્ટના ટિકિટના ભાવ રખાયા
ભારત-આફ્રિકા મેચ માટે ઇસ્ટ સ્ટેન્ડમાં લેવલ 1,2 અને 3 માટે ટિકિટના દર રૂ.1000, વેસ્ટ સ્ટેન્ડના લેવલ 1 માટે રૂ. 1500, લેવલ 2 અને 3 માટે રૂ. 2000 અને વેસ્ટ સ્ટેન્ડમાં કોર્પોરેટ બોક્સ (15 સીટ)નો ટિકિટનો ભાવ રૂ.7,000 રાખવામાં આવ્યો છે. આ સિવાય સાઉથ પેવેલીયનમાં લેવલ 1 (ડીનર સાથે)નો ભાવ રૂ.7,000, લેવલ-2 (બ્લોક અથી ઉ) રૂ. 4,000, લેવલ 3ના રૂ.2,500 અને કોર્પોરેટ બોક્સ (15 સીટ)નાં ભાવ રૂ.8,000 રાખવામાં આવ્યા છે.

ત્રણ લેવલના ટિકિટના ભાવ
ઇસ્ટ સ્ટેન્ડ ભાવ
લેવલ-1 1000
લેવલ-2 1000
લેવલ-3 1000
વેસ્ટ સ્ટેન્ડ ભાવ
લેવલ-1 1500
લેવલ-2 2000
લેવલ-3 2000
કોર્પોરેટ બોક્સ (15 સીટ) 7000
સાઉથ પેવેલીયન ભાવ
લેવલ-1 (વીથ ડિનર) 7000
લેવલ-2 બ્લોલ અથી ઉ 4000
લેવલ-3 2500
કોર્પોરેટ બોક્સ (15 સીટ) 8000

17 જાન્યુ.2020ના રોજ ભારત-ઓસ્ટ્રેલિયા વચ્ચે વન-ડે રમાયો હતો
અત્યારસુધીમાં રાજકોટનાં જઈઅ સ્ટેડિયમમાં કુલ 8 આંતરરાષ્ટ્રીય મેચ રમાયા છે. જેમાં 2 ટેસ્ટ, 3 ઝ-20 અને 3 વન-ડેનો સમાવેશ થાય છે. ગત 17 જાન્યુઆરી-2020નાં રોજ ભારત-ઓસ્ટ્રેલિયા વચ્ચે વન-ડે મેચ રમાયો હતો. ત્યારબાદ કોરોનાનું ગ્રહણ લાગી જતા અહીં કોઈ આંતરરાષ્ટ્રીય મેચ રમાયો નહોતો. ત્યારે રાજકોટમાં અઢી વર્ષ બાદ 17 જૂનના રોજ ભારત-દક્ષિણ આફ્રિકા મેચથી આંતરરાષ્ટ્રીય ક્રિકેટની વાપસી થઈ રહી છે. જેને લઈને રંગીલા રાજકોટવાસીઓમાં ખુશીનો માહોલ જોવા મળી રહ્યો છે.