ઝાફર’સ ટીના નવમા આઉટલેટનું ઉદ્દઘાટન

ડી.એચ. કોલેજવાળા ઝાફર ચા – આરાધના ગ્રુપનું નવું સોપાન જે.કે. ચોક પાસે ખુલ્યું

ઝાફર’સ ટીનાં ઉદ્દઘાટનમાં વિવિધ ક્ષેત્રોના અગ્રણીઓ ઉપરાંત મોટી સંખ્યામાં ચાપ્રેમીઓ ઉમટી પડ્યા
આરાધના ગ્રુપ – ઝાફર ચાનો આગવો ટેસ્ટ હવેથી પુષ્કરધામ રોડ પર પણ મળશે
ખાસ-ખબર ન્યૂઝ રાજકોટ

આજથી ચારેક દસક અગાઉ રાજકોટના ડો. યાજ્ઞિક રોડ પર ડી.એચ. કોલેજ સામે શરૂ થયેલી ઝાફર’સ ટી અતિ લોકપ્રિય બની તેના આઉટલેટ ધીમેધીમે શહેરભરમાં ખુલવા લાગ્યા છે. ઝાફરની ચા તરીકે ગામેગામ પ્રખ્યાત થયેલી આરાધના ટી શોપ પર ચા-નાસ્તો કરવા લોકોને બહુ દૂર ન જવું-આવવું પડે તે માટે શહેરના વિવિધ વિસ્તારોમાં એક પછી એક ઝાફર’સ ટીના આઉટલેટ શરૂ થવા લાગ્યા છે. હમણાં જ રાજકોટના બસપોર્ટ પાસે ઝાફર’સ ટીના ઉદ્દઘાટન બાદ ઝાફર’સ ટીના નવમા આઉટલેટનું ઉદ્દઘાટન જે.કે. ચોક પાસે થયું છે. રાજકોટના ડી.એચ. કોલેજ પાસે મળતી ઝાફર ચા એટલે કે ઝાફર ચાવાળાના આરાધના ગ્રુપના વધુ એક નવા સોપાનનો શુભારંભ આજરોજ ભક્તિ એન્ટરપ્રાઈઝ, પુષ્કરધામ મેઈન રોડ, જે.કે. ચોક પાસે થયો છે. આ પ્રસંગે વિવિધ ક્ષેત્રોના મહાનુભાવો ઉપરાંત મોટી સંખ્યામાં ચા પ્રેમીઓ ઉપસ્થિત રહ્યા હતા.

ટૂંકસમય પહેલા ડી.એચ. કોલેજની ઝાફર ચા એટલે કે ઝાફર ચાવાળાના આરાધના ગ્રુપ દ્વારા ઝાફર’સ ટી નામથી નવું સોપાન શરૂ કરવામાં આવ્યું હતું. ટૂંકાગાળામાં ઝાફર’સ ટીને એટલી સફળતા મળી ગઈ છે કે હવે તેઓ ડી.એચ. કોલેજ, રૈયારોડ આમ્રપાલી ફાટક, અયોધ્યા ચોકમાં વન વર્લ્ડ, બસ પોર્ટ પાછળ ઉપરાંત જે.કે. ચોક પાસે પોતાના નવા આઉટલેટનો શુભારંભ કરી ચૂક્યા છે. પુષ્કરધામ મેઈન રોડ, જે.કે. ચોક પાસે શરૂ થઈ ગયેલા ઝાફર’સ ટીમાં ચા ઉપરાંત વિવિધ પીણા અને નાસ્તા મળશે. એટલું જ નહીં, અહીં સિટિંગ કરીને ચાની ચૂસ્કી લેતા લેતા મિટીંગ કરવા માટે ખાસ વ્યવસ્થા ઉભી કરવામાં આવી છે. આ ઉપરાંત ઝાફર’સ ટીનું ઈન્ટીયર પણ નાની-મોટી બાબતને ધ્યાનમાં રાખી ચા લવર્સ માટે સ્પેશિયલ ડિઝાઈન કરી બનાવવામાં આવ્યું છે.