ટ્રુડો સરકારને ઝટકો: નાણામંત્રી ક્રિસ્ટિયા ફ્રીલેન્ડે રાજીનામું આપ્યું

ભારત સામે પડેલા ટ્રુડો પાસે હવે કોઈ ભરોસાપાત્ર સાથી ન રહ્યા

કેનેડામાં ચૂંટણી પહેલા વડાપ્રધાન જસ્ટિન ટ્રુડોને મોટો ઝટકો લાગ્યો છે. દેશના નાણામંત્રી ક્રિસ્ટિયા ફ્રીલેન્ડે પોતાના પદ પરથી રાજીનામું આપી દીધું છે. તેમણે ટ્રુડો પર પણ 5્રહાર કર્યો અને તેમની યોજનાઓને રાજકીય ચાલ ગણાવી.

વડાપ્રધાન જસ્ટિન ટ્રુડો સાથેના નીતિવિષયક અથડામણને કારણે નાણા પ્રધાન ક્રિસ્ટિયા ફ્રીલેન્ડે સોમવારે અચાનક જ રાજીનામું આપ્યું હતું. ખર્ચ વધારવાની ટ્રુડોની યોજનાઓથી તેણી ખુશ ન હતી અને તેને રાજકીય કાવતરા તરીકે ફગાવી દીધી હતી. ફ્રીલેન્ડે સંસદમાં આર્થિક અપડેટ રજૂ કરવાના થોડા કલાકો પહેલાં જ રાજીનામું આપ્યું હતું. અપડેટથી એ જાહેર થવાની અપેક્ષા છે કે ટ્રુડો સરકારે 2023/24ના બજેટ માટે આયોજિત કરતાં વધુ ખાધ છે.

56 વર્ષનાં ફ્રીલેન્ડ જેમણે નાયબ વડાપ્રધાન તરીકે પણ સેવા આપી હતી તેના રાજીનામાથી ચૂંટણી પહેલા ટ્રુડો પાસે કોઈ મુખ્ય કેબિનેટ સાથીદારો નથી રહ્યા ત્યારે આ વાત સૂચવે છે કે તેઓ ચૂંટણીમાં ખરાબ રીતે હારી જશે. ફ્રીલેન્ડે ટ્રુડોને એક સંદેશમાં ટ્વિટર પર પોસ્ટ કર્યું જેમાં તેમણે લખ્યું, છેલ્લાં કેટલાંક સપ્તાહથી તમે અને હું કેનેડા માટે ભવિષ્યના સૌથી રસ્તા માટે અસમજંસમાં છીએ. અમેરિકામાં નવા ચુંટાયેલા રાષ્ટ્રપતિ ડોનાલ્ડ ટ્રમ્પના ઇનકમિંગ એડમિનિસ્ટ્રેશન તરફથી કેનેડિયન આયાત પર નવા ટેરિફની ધમકી એક ગંભીર ખતરો છે.

છેલ્લા કેટલાક અઠવાડિયાથી, તમે અને હું કેનેડા માટે આગળના શ્રેષ્ઠ માર્ગ વિશે મતભેદો હતા. આનો અર્થ એ છે કે આજે આપણી રાજકોષીય ખાધને નિયંત્રણમાં રાખવી, જેથી અમારી પાસે ટેરિફ યુદ્ધ માટે જરૂરી અનામત હોય. આનો અર્થ એ છે કે ખર્ચાળ રાજકીય દાવપેચને ટાળવું, જે આપણે પરવડી શકતા નથી. ફ્રીલેન્ડ ઓગસ્ટ 2020થી નાણા મંત્રી હતા. હાલમાં, ટ્રુડોના કાર્યાલય તરફથી તેમના રાજીનામા અંગે કોઈ તાત્કાલિક પ્રતિક્રિયા આવી નથી.