-વિદેશી ખેલાડીઓના દબદબા વચ્ચે ભારતીય મહિલા ક્રિકેટરો પર નજર રહેશે
મેન્સ લીગની માફક ધીમે ધીમે ધીમે લોકપ્રિય બની રહેલી વિમેન્સ પ્રિમીયર લીગ ટી20 ક્રિકેટ ટુર્નામેન્ટની બીજી આવૃતિનો શુક્રવારથી પ્રારંભ થઈ રહ્યો છે. આ સાથે ભારતીય ક્રિકેટમાં થોડા દિવસો સુધી ફરીથી મહિલા ક્રિકેટની ધુમ મચી જશે. શુક્રવારે અહીંના એમ. ચિન્નાસ્વામી સ્ટેડીયમ ખાતે ગઈ વખતની ચેમ્પીયન મુંબઈ ઈન્ડીયન્સની ટીમનો મુકાબલો રનર્સઅપ દિલ્હી કેપીટલ્સ સામે થશે. સાંજે 7.30 કલાકે મેચનો પ્રારંભ થશે.
- Advertisement -
આ વખતની વિમેન્સ પ્રિમીયર લીગમાં તમામની નજર ભારતની યુવાન ખેલાડીઓ પર રહેશે કેમકે ઈન્ટરનેશનલ ક્રિકેટમાં અત્યારે ભારતીય વિમેન્સ ટીમ શાનદાર દેખાવ કરી રહી છે અને આ પ્રકારની લીગમાંથી જ ભારતને ભવિષ્યમાં ઉભરતા સ્ટાર્સ મળી રહેતા હોય છે. જો કે વિદેશની કેટલીક સ્ટાર ખેલાડી પર આ ટુર્નામેન્ટમાં ભાગ લેનારી છે જેને કારણે લીગનું આકર્ષણ વધી જશે.
Here's a sneak peek of what went into making the #TATAWPL Anthem! 🎶
From the stunning visual effects to the jaw-dropping sets, it's not something you want to miss 🔥🔥
- Advertisement -
Sing along and join #CricketKaQueendom!
Stay tuned for the full anthem video ⏳@JayShah pic.twitter.com/73XyzCnRrS
— Women's Premier League (WPL) (@wplt20) February 23, 2024
હાલમાં ટી20 અને વન-ડે ક્રિકેટમાં શાનદાર દેખાવ કરનારી ઓસ્ટ્રેલિયા, ઈંગ્લેન્ડ અને સાઉથ આફ્રિકાની મોટાભાગની ખેલાડીઓ આ વખતે વિવિધ ફ્રેન્ચાઈઝીનું પ્રતિનિધિત્વ કરશે. ગઈ સીઝનમાં મુંબઈમાં રમાયેલી આ લીગે સારું એવું આકર્ષણ પેદા કર્યુ હતું. આ વખતની તમામ મેચ બેંગ્લોર અને દિલ્હીમાં રમાનારી છે.
દિલ્હી કેપીટલ્સની કેપ્ટન અને તાજેતરમાં જ ઈન્ટરનેશનલ ક્રિકેટમાંથી નિવૃતિ જાહેર કરનારી મેગ લેનિંગ ગયા વર્ષે ઉમદા દેખાવ કરીને સૌથી વધારે રન ફટકારવાની સાથે ઓરેન્જ કેપ વિજેતા બની હતી તો મુંબઈ માટે રમાનારી હિલી મેથ્યુઝે ટુર્નામેન્ટમાં 16 વિકેટ સાથે પર્પલ કેપ જીતી હતી.
વિદેશી ખેલાડીઓના પ્રભાવ વચ્ચે ગઈ સીઝનમાં ભારતની કેટલીક ખેલાડી સાતત્ય દાખવી શકી ન હતી પરંતુ આ વખતને ભારતની યુવાન ડોમેસ્ટીક સ્ટાર્સને આ લીગમાંથી ઈન્ટરનેશનલ લેવલ સુધી પહોંચવાની આશા છે અને તેથી તેઓ ઉમદા દેખાવ કરવા માટે આતુર છે.
I am overwhelmed with gratitude as we commence on a new journey today with the start of Women’s Premier League Season 2. Our vision was to establish the biggest women’s cricket league, and I extend my heartfelt thanks to everyone who has contributed to turning this vision into… pic.twitter.com/q3cueUohHR
— Jay Shah (@JayShah) February 23, 2024
ગઈ સીઝનમાં શ્રેયન્કા પાટીલે બેંગ્લોર માટે રમીને સારો દેખાવ કરવાનો પ્રયાસ કર્યો હતો અને સૌને પ્રભાવિત કર્યા હતા પરંતુ સ્મૃતિ મંધાના, એલિસી પેરી અને સોફિયા ડિવાઈન જેવી વર્લ્ડ કલાસ ખેલાડીને કારણે તે ખાસ પ્રકાશમાં આવી ન હતી. જો કે, છેલ્લા દસેક મહિનામાં પાટીલે પોતાની પ્રતિષ્ઠા જમાવી દીધી છે. તે હાલમાં ભારતની સર્વશ્રેષ્ઠ પૈકીની એક યુવાન ખેલાડી બની ગઈ છે જેની ઉપર ભારતીય મહિલા ક્રિકેટના ભાવિનો મદાર છે.
શુક્રવારે દિલ્હી કેપીટલ્સ અને મુંબઈ ઈન્ડીયન્સ વચ્ચે મેચ રમાશે. તેમાં હરમનપ્રીત કૌર, એમેલિયા કેર, પૂજા વસ્ત્રાકર, યાસ્તિકા ભાટીયા જેવા ખેલાડી ચેમ્પીયન ટીમ માટે રમશે તો રનર્સઅપ ટીમનું આકર્ષણ તેની કેપ્ટન મેગ લેનિંગ રહેશે. આ ઉપરાંત જેમિમાહ રોડ્રીગ્સ, શેફાલી વર્મા, રાધા યાદવ, શિખા પાંડે અને પુનમ યાદવ જેવી સ્ટાર ખેલાડી આકર્ષણ જમાવશે.
