સાંસદોના સસ્પેન્શનના વિરોધમાં આજે I.N.D.I.A.ના દેશભરમાં ધરણા

જંતર મંતર ખાતે રાહુલ ગાંધી સંબોધશે: કેન્દ્રની મોદી સરકાર પર બિનલોકશાહી રીતે વર્તવાનો આરોપ: 2024 પુર્વે આ મુદો જનતા સમક્ષ લઈ જવાની તૈયારી
ખાસ-ખબર સંવાદદાતા
સંસદ પરના સ્મોક સ્ટીક હુમલાના પગલે સર્જાયેલી અફડાતફડીના માહોલ તથા સંસદની સુરક્ષા મુદે બન્ને ગૃહમાં સરકાર વિપક્ષ વચ્ચે સર્જાયેલા ઘર્ષણમાં છેલ્લા એક સપ્તાહમાં દેશની સંસદના ઈતિહાસમાં પ્રથમ વખત 143 વિપક્ષો સાંસદો સમગ્ર સત્ર માટે સસ્પેન્ડ થયા તેમાં હવે કોંગ્રેસ સહિતના ઈં.ગ.ઉ.ઈં.અ. ગઠબંધનના પક્ષો આજે દેશભરમાં જીલ્લા મથકોએ ધરણા કરશે.
કોંગ્રેસ પ્રમુખ શ્રી મલ્લીકાર્જુન ખડગેએ આ મોટી સંખ્યામાં સાંસદોને સસ્પેન્ડ કરવાની ઘટનાને ‘બિનલોકશાહીભર્યુ કૃત્ય’ ગણાવ્યુ હતું. હવે આજે દિલ્હીમાં જંતરમંતર ખાતે કોંગ્રેસ તથા મોરચાના સાથી પક્ષોના ધરણાને કોંગ્રેસના પુર્વ અધ્યક્ષ રાહુલ ગાંધી સંબોધન કરશે. સંસદના શિયાળુ સત્રમાં લોકસભા અને રાજયસભામાંથી વિપક્ષી નેતાઓને સસ્પેન્ડ કરવામાં નવો રેકોર્ડ બન્યો છે અને કાલે સંસદનું સત્ર એક દિવસ વહેલું સમાપ્ત જાહેર કરવામાં આવ્યું હતું.
ગઈકાલે આ પ્રકારના પગલાના વિરોધમાં જુની સંસદ ઈમારતથી વિજય ચોક સુધી વિપક્ષી દળોએ કુચ કરી હતી અને આજે હવે કોંગ્રેસ ભાજપના તેના સાથી પક્ષો દેશભરમાં જીલ્લા મથકોએ ધરણા કરશે તથા બીજી તરફ દિલ્હીમાં જંતરમંતર પર સામુહિક ધરણા દેખાવો થશે તથા રાહુલ ગાંધી તેમને સંબોધન કરશે. કોંગ્રેસ હવે 2024 પુર્વે આ મુદા પર સડક ગજવવાનો નિર્ણય લીધો છે.