ભેસાણ તાલુકાના બે જવાન આર્મી ટ્રેનિંગ પૂરી કરી પરત વતન આવતા હર્ષભર સામૈયા કર્યા

ખાસ-ખબર ન્યૂઝ જૂનાગઢ, તા.10
ભેસાણ તાલુકાના નાના એવા ગામ સામતપરા અને પસવાળા ગામના બે જવાનો આર્મીની ટ્રેનિંગ માટે હૈદરાબાદ ગયા હતા ત્યારે બંને જવાનો ટ્રેનિંગ પૂરી કરી માદરે વતન આવી પહોંચ્યા હતા જેને મેંદપરા ગામના રામમંદિર ખાતે ગામના લોકોએ ફૂલહાર કરી સ્વાગત કર્યું હતું.

બંને જવાનો જેમાં સામતપરાનું ગૌરવ એવા વીર જવાન મિલન ભીખુ અને પસવાડા ગામના વીર જવાન કૌશિક સિંહ ભાટીને મેંદપરા ગામના સરપંચએ ફૂલહાર કરી સ્વાગત કર્યું હતું અને બકરી ઇદના દિવસે મેંદપરા ગામમા મુસ્લિમ બિરાદરોએ આર્મી જવાનોનુ ફૂલહાર કરી ને સ્વાગત કર્યું હતું અને બંને ગામના લોકો ડીજે સાથે સામૈયા કર્યા હતા અને ગામના લોકોએ પોતાનું ગામનું આ જવાનોએ ગૌરવ વધારવી હોય તેવું કહી રહ્યા હતા. આ બંને જવાનો ખેડૂત પરિવારમાંથી હોય જેથી આજુબાજુના ગામના જવાનોને આર્મીમાં જવા માજી સૈનિક આર. કે. પરમાર જણાવ્યું હતું અને પસવાળા ગામના સરપંચ એ જણાવ્યું હતું કે આ બંને જવાનું અમારા ગામની શાન અને બાન છે આ જવાનોએ પોતાના ગામનું નામ રોશન કર્યું છે અને સાથે સાથે હાલના જવાનોને આર્મીમાં જવા આહવાન કર્યું હતું. આ બંને જવાનું હૈદરાબાદ થી ટ્રેનિંગ પૂરી કરી પોતાના માદરે વતન પહોંચ્યા હતા અને પોતાના પરિવારમાં ખુશીનો માહોલ છવાયો હતો આ જોઈને આજુબાજુના ગામના લોકો એ પણ બંને જવાનોને સ્વાગત કર્યું હતું.