વોટ્સએપ તેના યુઝર્સ માટે એક એવું અદ્ભુત ફીચર લાવ્યું છે જે યુઝર્સ એક જ એપમાં બે એકાઉન્ટનો ઉપયોગ કરી શકે છે.આ ફીચર હાલમાં જ એન્ડ્રોઇડ યુઝર્સ માટે રજૂ કરવામાં આવ્યું છે. WhatsApp પર એક એપમાં બે એકાઉન્ટ ઉપયોગ કરી શકાશે.
વોટ્સએપનો અનુભવ બમણો કરવા માટે કંપની સતત નવા ફીચર્સ લોન્ચ કરી રહી છે. આ ક્રમને આગળ ધપાવતા હવે વધુ એક નવું ફીચર બહાર પાડવામાં આવ્યું છે જેના હેઠળ તમે એકસાથે બે વોટ્સએપ એકાઉન્ટમાં લોગીન કરી શકો છો. આનો અર્થ એ છે કે વપરાશકર્તાઓ એક ઉપકરણ પર અને એક જ એપ્લિકેશનમાં બે WhatsApp એકાઉન્ટનો ઉપયોગ કરી શકે છે.
- Advertisement -
મેટાના જણાવ્યા અનુસાર, આ નવું ફીચર તે યુઝર્સ માટે મદદરૂપ સાબિત થશે જેઓ પર્સનલ અને વર્ક પ્રોફાઈલ વચ્ચે સ્વિચ કરવા માગે છે. આ સાથે, યુઝર્સને દર વખતે એકાઉન્ટ સ્વિચ કરવા માટે બે અલગ-અલગ ફોનની જરૂર નહીં પડે.
આ સેવા હાલમાં માત્ર એન્ડ્રોઈડ યુઝર્સ માટે જ ઉપલબ્ધ કરાવવામાં આવી છે. આગામી અઠવાડિયામાં વપરાશકર્તાઓ માટે નવું અપડેટ મળશે. આ સાથે Metaએ યુઝર્સને માત્ર ઓફિશિયલ એપ્સનો ઉપયોગ કરવાની સલાહ આપી છે.
અગાઉ, કંપનીએ મલ્ટિ-ડિવાઈસ સેવા રજૂ કરી હતી જે વપરાશકર્તાઓને Android ટેબ્લેટ, બ્રાઉઝર અથવા કમ્પ્યુટર પર તેમના એકાઉન્ટસને ઍક્સેસ કરવાની મંજૂરી આપે છે. મતલબ કે હવે તમે તમારા વોટસએપ એકાઉન્ટનો ઉપયોગ એક સાથે બે ફોન પર કરી શકાશે.
- Advertisement -
આ કેવી રીતે કરવું
– સૌપ્રથમ વોટ્સએપ ખોલો અને પછી ઉપર જમણી બાજુએ ત્રણ બિંદુઓ પર ટેપ કરો,
– તે પછી સેટિંગ્સ પર ટેપ કરો અને પછી એકાઉન્ટ પર ટેપ કરો.
– એકાઉન્ટ ઉમેરો પર ટેપ કરો અને તમારું બીજું એકાઉન્ટ સેટ કરો.
– એકવાર તમારું બીજું એકાઉન્ટ સેટ થઈ જાય, પછી તમે એપ્લિકેશનની ઉપર જમણી બાજુએ ત્રણ બિંદુઓ પર ટેપ કરી અને પછી એકાઉન્ટ્સ વચ્ચે સ્વિચ કરવા માટે એકાઉન્ટ પર ટેપ કરવું
