ટ્રમ્પની ભારતને ખુલ્લી ધમકી

બે દિવસ પહેલા મોદી સાથે વાત કરી: આજે કહ્યું- ‘જે અમને નુકસાન પહોંચાડવા માગે છે, તેના પર ટેરિફ લાદીશું’

ખાસ-ખબર ન્યૂઝ વોશિંગ્ટન, તા.29
અમેરિકાના રાષ્ટ્રપતિ ડોનાલ્ડ ટ્રમ્પે મંગળવારે ફ્લોરિડામાં એક કાર્યક્રમમાં ભારત, ચીન અને બ્રાઝિલ જેવા દેશો પર ઊંચા ટેરિફ લાદવાની ધમકી આપી હતી. તેમણે કહ્યું કે હવે સમય આવી ગયો છે કે અમેરિકા તે સિસ્ટમમાં પાછું જાય જેણે તેને સમૃદ્ધ અને શક્તિશાળી બનાવ્યું છે. ઉલ્લેખનીય છે કે ગઈ કાલે જ ટ્રમ્પે પીએમ મોદી સાથે ફોન પર વાત કરી હતી. આ પછી તેમણે મીડિયાને જણાવ્યું કે પીએમ મોદી ફેબ્રુઆરીમાં અમેરિકાની મુલાકાત લે તેવી અપેક્ષા છે. જોકે, ભારતીય વિદેશ મંત્રાલયે હજુ સુધી તેની પુષ્ટિ કરી નથી

ટ્રમ્પે કહ્યું- અમે એવા દેશો અને બહારના લોકો પર ટેરિફ લાદવા જઈ રહ્યા છીએ જે અમને નુકસાન પહોંચાડવા માગે છે. અન્ય દેશો શું કરે છે તે જુઓ. ચીન ખૂબ ઊંચા ટેરિફ લાદે છે. ભારત, બ્રાઝિલ અને અન્ય દેશો પણ આવું જ કરે છે. અમે હવે આવું થવા દઈશું નહીં કારણ કે અમે અમેરિકાને પ્રથમ સ્થાન આપીશું. ટ્રમ્પે કહ્યું કે આ ત્રણેય દેશ (બ્રાઝિલ, ચીન, ભારત) પોતાના હિત માટે કામ કરી રહ્યા છે, પરંતુ તેનાથી અમેરિકાને નુકસાન થઈ રહ્યું છે. અમેરિકા એક પ્રામાણિક સિસ્ટમ બનાવશે, જે આપણી તિજોરીમાં પૈસા લાવશે અને અમેરિકા ફરીથી ખૂબ સમૃદ્ધ બનશે. આ બધું બહુ જલ્દી થશે.
ટ્રમ્પે કહ્યું કે અન્ય દેશોને અમીર બનાવવા માટે અમારા લોકો પર ટેક્સ લગાવવાને બદલે અમે અમારા લોકોને અમીર બનાવવા માટે અન્ય દેશો પર ટેક્સ લગાવીશું. જો વિદેશી કંપનીઓ ઊંચા ટેરિફથી બચવા માગતી હોય તો તેમણે અમેરિકામાં જ તેમના પ્લાન્ટ સ્થાપવા પડશે. અમેરિકા ફર્સ્ટના નારાનો પુનરોચ્ચાર કરતા ટ્રમ્પે કહ્યું કે જેમ અન્ય દેશો પર ટેરિફ વધશે તેમ અમેરિકન કામદારો અને ઉદ્યોગો પરના ટેક્સમાં ઘટાડો થશે. આનાથી આપણા દેશમાં મોટી સંખ્યામાં નોકરીઓ અને કારખાનાઓ આવશે. ટ્રમ્પે સૈન્ય અને ઉઊઈં (ડાઇવર્સિટી, ઇક્વિટી અને સમાવેશ) કાર્યક્રમોમાં ટ્રાન્સજેન્ડરો પર પણ નિવેદનો આપ્યા હતા. તેમણે કહ્યું કે આપણી પાસે વિશ્ર્વની સૌથી મજબૂત સેના છે તે સુનિશ્ર્ચિત કરવા માટે અમે આપણી સેનામાંથી ટ્રાન્સજેન્ડર વિચારધારાને સંપૂર્ણપણે ખતમ કરીશું. તેમણે વધુમાં કહ્યું કે મેં સરકાર, ખાનગી ક્ષેત્ર અને સૈન્યમાં ઉઊઈં સંબંધિત તમામ બકવાસ નીતિઓને સમાપ્ત કરવાનો આદેશ આપ્યો છે. અમે તે એક અઠવાડિયામાં કર્યું. તે એટલું સરળ ન હતું, પરંતુ દરેક જણ ઇચ્છે છે. ટ્રમ્પે અમેરિકન ઈન્ડસ્ટ્રીને ચીનના ડીપસીક એઆઈ વિશે ચેતવણી આપી છે. તેમણે કહ્યું કે આ યુદ્ધ જીતવા માટે આના પર સંપૂર્ણ ધ્યાન કેન્દ્રિત કરવું પડશે. જો કે, ટ્રમ્પે એમ પણ કહ્યું કે આ આંચકો સિલિકોન વેલી માટે પણ સકારાત્મક હોઈ શકે છે કારણ કે તે તેને ઓછા ખર્ચે નવીનતા લાવવા માટે દબાણ કરશે. ટ્રમ્પે ચીનને અદ્યતન સેમિક્ધડક્ટર ટેક્નોલોજીની નિકાસ પર પ્રતિબંધ મૂકવાની વાત કરી છે.