આજે 22 જૂન ગુરૂવારે અષાઢની ચતુર્થી છે. આ વ્રત રવિ યોગ અને ભદ્રામાં છે. જાણો વિનાયક ચતુર્થી વ્રતની તિથિ, પૂજા મૂહુર્ત, ભદ્રા કાળ, રવિ યોગ અને વિનાયક ચતુર્થીના ઉપાયો વિશે.
આજે 22 જૂન ગુરૂવારે અષાઢની વિનાયક ચતુર્થી છે. આ વ્રત રવિ યોગ અને ભદ્રામાં છે. ભદ્રા સવારથી સાંજ સુધી છે. તેનો વાસ પૃથ્વી પર છે. આજ વ્રત કરીને ગણેશજીની પૂજા કરવાથી મનોકામનાઓ પુરી થશે. ગણેશજી વિધ્નહર્તા છે. તે પોતાના ભક્તોના દુખો અને સંકટોને દૂર કરે છે. આજે પૂજાના સમયે વિનાયક ચતુર્થી વ્રત કથાનો પાઠ અને ગણેશજીની આરતી કરો.
- Advertisement -
અષાઢ વિનાયક ચતુર્થી 2023 મુહૂર્ત
અષાઢ શુક્લ ચતુર્થી તિથિનો શુભારંભઃ 21 જૂન, બુધવાર, બપોર 03.09 મિનિટથી
અષાઢ શુક્લ ચતુર્થી તિથિનું સમાપનઃ આજ, 22 જૂન, ગુરૂવાર, સાંજે 5.27 મિનિટ પર
વિનાયક ચતુર્થી પૂજા મુહૂર્તઃ સવારે 10.59 મિનિટથી બપોરે 1.47 મિનિટ સુધી
લાભ-ઉન્નતિ મુહૂર્તઃ બપોર 12.23 મિનિટથી બપોર 2.08 મિનિટ સુધી
- Advertisement -
રવિ યોગમાં છે વિનાયક ચતુર્થી, પરંતુ ભદ્રા પણ
આજે વિનાયક ચતુર્થી પર રવિ યોગ બની રહ્યો છે. રવિ યોગ સાંજે 6.01 વાગ્યાથી બની રહ્યો છે અને આ કાલ સવારે 4.18 વાગ્યા સુધી રહેશે. જોકે વિનાયક ચતુર્થી પર ભદ્રાનો સાયો છે. આજે ભદ્રા સવારથી લઈને સાંજ સુધી છે. ભદ્રાનો પ્રારંભ સવારે 5.24 વાગ્યાથી લઈને સાંજે 5.27 વાગ્યા સુધી છે.
આજે ન કરો ચંદ્રમાના દર્શન
આજે ચંદ્રમાનો ઉદય સવારે 8.46 વાગ્યે થશે. વિનાયક ચતુર્થી વ્રતમાં ચંદ્રમાના દર્શન નથી કરવામાં આવતા. કારણ કે તેનાથી કલંક લાગે છે.
વિનાયક ચતુર્થી વ્રત અને પૂજા વિધિ
આજે સવારે સંકલ્પ કરીને વિનાયક ચતુર્થીનું વ્રત કરો. તેના બાદ શુભ મુહૂર્તમાં ગણેશજીને એક પાટલા પર સ્થાપિત કરો. જળથી અભિષેક કર્યા બાદ વસ્ત્ર, ચંદન, ફૂલ, માળા, યજ્ઞોપવીત વગેરેથી સુશોભિત કરો. પછી અક્ષત્, સિંદૂર, ધૂપ, દીપ, નિવેદ, ધરો વગેરેથી વિધિપૂર્વક પૂજાન કરો.
મોદક કે લાડુનો ભોગ લગાવો. વિનાયક ચતુર્થી વ્રત કથા વાંચો. ઘીથી દીપની આરતી કરો. દિવસભર ફલાહાર કરો. તેના બાદ સાંજે સંધ્યા આરતી કરો. રાત્રે જાગરણ કરો. બીજા દિવસ સવારે પારણા કરો.
