આજે CM ભૂપેન્દ્ર પટેલની અધ્યક્ષતા હેઠળ પાર્લામેન્ટરી બોર્ડની બેઠક મળશે, જૂનાગઢના મેયર સહિત હોદ્દેદારોની નિમણૂંકી થશે

ગાંધીનગરમાં આજે પાર્લામેન્ટ્રી બોર્ડની બેઠકનું આયોજન 

આજે બપોરે 4 વાગે યોજાશે 

આ બેઠક CM ભૂપેન્દ્ર પટેલ અને સી.આર.પાટીલની અધ્યક્ષતા હેઠળ મળશે

સ્થાનિક સ્વરાજની ચૂંટણી પૂર્ણ થઇ ગઇ છે અને આગામી દિવસોમાં ગ્રામપંચાયતની ચૂંટણીના પડઘમ વાગી રહ્યા છે ત્યારે આ દરમિયાન ગાંધીનગરમાં આજે પાર્લામેન્ટ્રી બોર્ડની બેઠકનું આયોજન કરવામાં આવ્યું છે. જે બપોરે 4 વાગે યોજાવાની હોય તેમ સૂત્રો જણાવી રહ્યા છે.

હોદ્દેદારોની નિમણૂક કરાશે

આ બેઠક CM ભૂપેન્દ્ર પટેલ અને સી.આર.પાટીલની અધ્યક્ષતા હેઠળ મળશે. જેમાં મહત્વની નિમણૂકો કરવામાં આવશે. મળતી માહિતી મુજબ આ બેઠકમાં જૂનાગઢના મેયર સહિત હોદ્દેદારોની નિમણૂક કરાશે. આ ઉપરાંત 68 નગરપાલિકા પ્રમુખોની નિમણુક કરવામાં આવનાર છે. આ નિમણૂકોની રાહ કાર્યકારો આતુરતાથી જોઇ રહ્યા છે.

વધુ મળતી માહિતી મુજબ સ્થાનિક સ્વરાજની ચૂંટણીમાં ભાજપ જીત બાદ પ્રમુખો અને હોદ્દેદારોની નિમણુક અંગે બેઠકમાં ચર્ચા કરવામાં આવશે. અને આગામી ચૂંટણી બાબતે ગહન ચર્ચાઓ કરવામાં આવશે. જોકે ગુજરાત પ્રદેશ પ્રમુખ ક્યારે નક્કી થશે તેની હજી કોઇ પણ માહિતી મળી શકી નથી.