ભારતમાં પેરાગ્લાઈડિંગ માટે ઘણી શ્રેષ્ઠ જગ્યાઓ છે, જ્યાં મોટી સંખ્યામાં પ્રવાસીઓ આવે છે. જો તમે પણ પેરાગ્લાઈડિંગના શોખીન છો તો તમારે ભારતમાં પેરાગ્લાઈડિંગ માટે શ્રેષ્ઠ સ્થાનો વિશે જાણવું જોઈએ.
હવામાં ઉડવાનો શોખ કોને ન હોય પણ પાંખો વિના એ શક્ય નથી. તેમ છતાં તમે પેરાગ્લાઈડિંગ દ્વારા તમે ઉડી શકો છો અને હવામાં તરતા રહેવાનો શોખ પૂરો કરી શકો છો. આજકાલ પ્રયટક સ્થળો પર પેરાગ્લાઈડિંગનો ટ્રેન્ડ પૂરજોશમાં છે. જો તમે ફરવા જાવ અને પેરાગ્લાઈડિંગ ન કરો તો તમારું ફરવા જવાનું નકામું છે.
- Advertisement -
આ ખુલ્લા આકાશમાં ઉડવાની મજા તમને બીજા કોઈ એડવેન્ચરમાં નહીં મળે. એડવેન્ચર પ્રેમીઓએ પેરાગ્લાઈડિંગનો આનંદ લેવો જ જોઈએ. જો તમે પેરાગ્લાઈડિંગ કરવા જઈ રહ્યા છો તો જાણો કઈ જગ્યાએ તમારે પેરાગ્લાઈડિંગ કરવું જોઈએ, જેથી તમારી મજા બમણી થઈ જાય.
પેરાગ્લાઈડિંગની કેટલી હોય છે ટિકિટ?
ભારતમાં દરેક સ્થળે પેરાગ્લાઈડિંગના ભાવ અલગ અલગ છે. તમારી રાઈડના સમય અને સ્થળના આધારે પેરાગ્લાઈડિંગનું ભાડું વસૂલવામાં આવે છે. પેરાગ્લાઈડિંગ ટિકિટની રેન્જ 1000 થી 5000 વચ્ચે છે.
- Advertisement -
વાગામોન, કેરેલા
વાગામોન પેરાગ્લાઈડિંગ માટે પ્રવાસીઓના પ્રિય સ્થળોમાંનું એક છે. વાગામોન કેરળનું એક સુંદર હિલ સ્ટેશન છે જે જમીનથી 3000 મીટર ઉપર છે. સુંદર પ્રાકૃતિક દ્રશ્યો વચ્ચે અહીં પેરાગ્લાઈડિંગ કરવાની મજા જ અલગ છે. વાગામોનમાં તમે 15-20 દિવસ સુધી આકાશમાં ઉડવાની મજા માણી શકો છો.
જોધપુર, રાજસ્થાન
જોધપુર તેના શાહી મહેલની સુંદરતા માટે વિશ્વભરમાં પ્રખ્યાત છે. જોધપુરમાં 1500 ફૂટની ઊંચાઈએ પેરાગ્લાઈડિંગનો આનંદ લઈ શકાય છે. રાજસ્થાનની ગરમી બાદ આકાશની ઉંચી હવામાં ઉડવાની મજા જ અલગ છે.
પંચગની, મહારાષ્ટ્ર
પંચગની મહારાષ્ટ્રનું એક સુંદર હિલ સ્ટેશન છે. તે જમીનથી 1200 મીટરની ઉંચાઈ પર છે. પંચગનીનું વાતાવરણ ખૂબ જ સુંદર છે. જો તમે પેરાગ્લાઈડિંગના શોખીન હોવ તો પંચગની મુલાકાત જરૂર લો.
બીર બિલિંગ, હિમાચલ પ્રદેશ
બીર બિલિંગ હિમાચલ પ્રદેશનો એક પહાડી વિસ્તાર છે. જ્યાં પેરાગ્લાઈડિંગ કરવામાં આવે છે. અહીં પેરાગ્લાઈડિંગ માટે સારા ટ્રેનર્સ અને સુરક્ષા વ્યવસ્થા છે.
નૈનીતાલ, ઉત્તરાખંડ
ઉત્તરાખંડનું નૈનીતાલ ફરવા માટે પ્રખ્યાત છે. અહીંના સુંદર મેદાનોમાં દૂર-દૂરથી પ્રવાસીઓ આવે છે. નૈનીતાલ 2000 મીટરની ઉંચાઈ પર છે, અહીં પેરાગ્લાઈડિંગ કરવાની એક અલગ જ મજા છે. નૈનીતાલમાં પેરાગ્લાઈડિંગની સારી સુવિધા છે.
શિલોંગ, મેઘાલય
મેઘાલયનું શિલોંગ ખૂબ જ સુંદર સ્થળ છે. અહીં મોટી સંખ્યામાં પ્રવાસીઓ મુલાકાત લેવા માટે જાય છે. શિલોંગમાં 700 મીટર સુધીની ઊંચાઈએ પેરાગ્લાઈડિંગનો આનંદ લઈ શકાય છે.
ગંગટોક, સિક્કિમ
ગંગટોક ભારતમાં ખૂબ જ લોકપ્રિય પ્રવાસન સ્થળ છે. પેરાગ્લાઈડિંગ સિવાય તમે અહીં બીજી ઘણી વસ્તુઓ જોઈ શકો છો. ગંગટોક જવાનો શ્રેષ્ઠ સમય ઉનાળાની ઋતુ માનવામાં આવે છે.
