વન્યજીવ પરના અભ્યાસક્રમ માટે જૂનાગઢમાં રાજયનું પ્રથમ ‘સેન્ટર ફોર એકસેલેન્સ’ સ્થપાશે

પાંચ કાયમી જગ્યા મંજુર: અમેરિકી યુનિવર્સિટી સહિતની શૈક્ષણિક સંસ્થાઓ સાથે કરાર

ખાસ-ખબર ન્યૂઝ અમદાવાદ, તા.27

વન્યપ્રાણીઓ પર સંશોધન માટે જુનાગઢની ભકત કવિ નરસિંહ મહેતા યુનિવર્સિટીમાં શૈક્ષણિક અભ્યાસક્રમ સાથે સેન્ટર કોર એકસલન્સ શરૂ કરવાની દિશામાં રાજય સરકારે ચક્રો ગતિમાન કર્યા છે. દહેરાદૂન સ્થિત વાઈલ્ડલાઈફ ઈન્સ્ટીટ્યુટ ઓફ ઈન્ડીયાના ધોરણે આ સેન્ટર સ્થાપવામાં આવશે. સેન્ટર ફોર એકસેલેન્સના ડાયરેકટર નિશિત ધારૈયાએ કહ્યું કે જુન 2024થી વન્યજીવને લગતા કોર્ષ શરૂૂ કરી દેવામાં આવશે. અત્યાર સુધી વન્યજીવ પર શિક્ષણ માટે વિદ્યાર્થીઓએ અન્ય રાજયોમાં જવુ પડતુ નથી. હવે ગુજરાતમાં સેન્ટર સ્થાપવાના સંજોગોમાં અભ્યાસની સાથોસાથ સંશોધન શણ બનશે. નવા સેન્ટરમાં વન્યજીવ પર સંશોધન તથા સંરક્ષણ વિશેનો અભ્યાસ ઉપલબ્ધ બનશે. રાજયમાં આ પ્રકારનું પ્રથમ સેન્ટર હશે. આ ક્ષેત્રમાં રિસર્ચ કરવા માંગતા વનવિભાગના અધિકારીઓ સહિતના વર્ગોને સરળતા રહેશે.

ભક્ત કવિ નરસિંહ મહેતા યુનિવર્સિટીના વાઈસ ચાન્સેલર ડો. ચેતન ત્રિવેદીએ કહ્યું કે વાઈલ્ડલાઈફ હેલ્થ એન્ડ રેસ્કયુ નામક ડીપ્લોમા અભ્યાસક્રમ શરૂૂ કરવાની દરખાસ્ત છે. વન્યજીવોના આરોગ્યની સંભાળ આવતા તથા રેસ્કયુ ઓપરેશનમાં સામેલ થતા કર્મચારીઓ તાલીમ મેળવી શકશે. અમેરિકાની કોલેરાડો યુનિવર્સિટી સાથે શૈક્ષણિક અને ટેકનીકલ કરાર કરાયા છે. આ સિવાય પણ રાષ્ટ્રીય આંતરરાષ્ટ્રીય શૈક્ષણિક સંસ્થાને સાથે પણ કરાર કરવામાં આવ્યા છે. વનવિભાગના એક સીનીયર અધિકારીએ જણાવ્યું હતું કે અત્યાર સુધી રિઝર્વ મામલે કોઈ સંકલન ન હતું. રેસ્કયુ ઓપરેશનમાં સામેલ લોકોને તાલીમ મળતી ન હતી તે હવે નવા સેન્ટરની સ્થાપનાથી શકય બનશે. બીટગાર્ડ તથા રેન્જ ફોરેસ્ટ અધિકારીઓ પ્રોત્સાહીત થશે. સેન્ટર ફોર એકસેલેન્સ માટે સરકારે સીનીયર-જુનીયર સાયન્ટીસ્ટ, ડાયરેકટર સહિત પાંચ કાયમી પોસ્ટ મંજુર કરી છે. સેન્ટર ફોર ડોકટરલ પ્રોગ્રામ એન્ડ રીસર્ચ સાથે તુર્તમાં કરાર પણ કરવામાં આવશે. સંરક્ષિત ક્ષેત્ર માટેની યોજના તૈયાર કરવાનુ તથા સંચાલન કરવાનુ વધુ સરળ બની શકશે.