અમેરિકામાં વિદેશથી ઇમિગ્રેશન કરીને આવનારા લોકોમાં મેકિસકો, ભારત અને ચીન આગળ છે. હાલમાં મેકિસકનોની સંખ્યા સૌથી વધુ છે. જયારે બીજા ક્રમે ભારત અને ચીન છે. વસતી વધવાની ઝડપ જોવામાં આવે તો ભારતીય મૂળના લોકો 5 ટકાના દરે વધી રહ્યા છે યારે ચીનનો દર તેના કરતા નીચો છે. ભારત અને અમેરિકાના સંબંધોમાં ઘણી વખત ઉતાર ચઢાવ આવતા રહે છે, પરંતુ ભારતીયોને વિદેશ રહેવા જવાનું મન થાય ત્યારે મોટા ભાગે અમેરિકાને જ પસદં કરે છે. લેટેસ્ટ આંકડા પ્રમાણે અમેરિકામાં ભારતીયોની વસતી 28.50 લાખ સુધી પહોંચી ગઈ છે. 2021થી 2022 સુધીમાં એક વર્ષના ગાળામાં યુએસમાં ભારતીયોની વસતીમાં લગભગ 5 ટકાનો વધારો થયો છે.
અમેરિકામાં ઈમિગ્રન્ટસની સંખ્યા સતત ઝડપથી વધી રહી છે. હાલમાં અમેરિકામાં દર સાતમાંથી એક વ્યકિત વિદેશમાં જન્મેલી છે તેવું તાજેતરના આંકડા દર્શાવે છે. અહીં ઇમિગ્રન્ટસની જે કુલ સંખ્યા છે તેમાં લગભગ 6 ટકા ભારતીયો છે. યુએસની ડેમોગ્રાફી વિશે કેટલાક રસપ્રદ આંકડા આવ્યા છે. તે પ્રમાણે અમેરિકાની કુલ વસતીમાં 13.9 ટકા જેટલા માઈગ્રન્ટ છે. તેમાં કાયદેસરના અને ગેરકાયદે બંને માઈગ્રન્ટસ સામેલ છે. યુએસમાં અત્યારે કુલ ઇમિગ્રન્ટસમાં ભારતીયો અને ચાઈનીઝ બંનેની વસતી 6 ટકાની આસપાસ છે. ભારતીયોની વસતીમાં એક વર્ષમાં 4.8 ટકા વધારો થયો છે જયારે ચાઈનીઝ લોકોની વસતીમાં 3 ટકા વધારો થયો છે.
- Advertisement -
અત્યારે યુએસમાં સૌથી વધારે ઈમિગ્રન્ટસ મેકિસકન છે પરંતુ તેમની સંખ્યા છેલ્લા એક વર્ષમાં સહેજ ઘટી છે. આ ઉપરાંત અમેરિકામાં શરણાર્થી તરીકે આવતા લોકોની સંખ્યા મોટી છે જેના કારણે અફઘાનિસ્તાન અને વેનેઝુએલાના ઈમિગ્રન્ટસમાં વધારો થયો છે. એકસપર્ટનું કહેવું છે કે યુએસ ઈકોનોમીના વિસ્તરણની સાથે બહારથી લોકો આવે તે જરી છે. અમેરિકાની વસતી લગભગ 33 કરોડની છે અને તેમાં ઈમિગ્રન્ટસનું પ્રમાણ 13.6 ટકાથી વધીને 13.9 ટકા થયું છે. એટલે કે દર સાતમાંથી એક વ્યકિત વિદેશથી આવી છે. અમેરિકામાં એક વર્ષ અગાઉ ભારતીયોની વસતી 27 લાખ હતી જે હવે વધીને 28.50 લાખની નજીક છે.
અમેરિકાને હજુ સ્કીલ્ડ કામદારોની જરૂર
ભારત, ચીન અને મેકિસકોને બાદ કરવામાં આવે તો બાકીના દેશોના લોકોની સંખ્યા પ્રમાણમાં ઓછી છે. હાલમાં યુએસમાં અફઘાનિસ્તાનના લોકોની સંખ્યા 4.07 લાખ છે યારે વેનેઝુએલાના ઈમિગ્રન્ટસની સંખ્યા 6.70 લાખ છે. જોકે, ટકાવારીની રીતે જોવામાં આવે તો તેમના પ્રમાણમાં અનુક્રમે 229 ટકા અને 22 ટકાનો વધારો થયો છે. અમેરિકન એકસપટર્સનું કહેવું છે કે અમેરિકાને ટૂંકા ગાળા માટે તથા લાંબા ગાળા માટે કામદારોની જર છે. દરેક પ્રકારની સ્કીલના લોકો યુએસ આવે તે જરી છે. હાલમાં યુએસમાં વિદેશમાં જન્મેલા લોકોની સંખ્યા 4.61 કરોડ છે જે 2012માં 4.08 કરોડ હતી.
