‘સ્વચ્છતા એ જ સેવા’ અભિયાન અન્વયે મોરબીની શાળાઓ સ્વચ્છ બની

ખાસ-ખબર સંવાદદાતા
’સ્વચ્છતા એ જ સેવા’ અભિયાન અંતર્ગત મોરબી જીલ્લામાં વિવિધ સ્થળોએ શાળાઓ અને આંગણવાડી કેન્દ્રો ખાતે સફાઈ અભિયાન હાથ ધરવામાં આવ્યુ હતું.
મોરબી જિલ્લામાં વિવિધ સ્થળોએ સફાઈ માટેના કાર્યક્રમોનું આયોજન કરી ’સ્વચ્છતા એ જ સેવા’ અભિયાનની ઉજવણી કરવામાં આવી રહી છે ત્યારે મોરબી જીલ્લામાં હળવદ તાલુકાના જુના દેવળીયા અને માલણીયાદ, માળિયા તાલુકાના મોટા દહિંસરા, મોરબી તાલુકાના રવાપર સહિતના ગામોમાં શાળાઓમાં સાફ સફાઈની પ્રવૃતિ હાથ ધરવામાં આવી હતી. આ ઉપરાંત વિવિધ સ્થળોએ આંગણવાડી કેન્દ્રોમાં પણ સાફ સફાઈ કરવામાં આવી હતી. શાળાના શિક્ષકો અને સ્ટાફ તેમજ ગ્રામજનો દ્વારા આ ઝુંબેશરૂપે શાળાના ઓરડા, પ્રાંગણ અને સમગ્ર પરિસર તેમજ આજુબાજુના વિસ્તારની સાફ સફાઈ કરવામાં આવી હતી.