ગ્રહણને લઇ સોમનાથ મંદિર સાથેના તમામ મંદિરોમાં સાયં આરતી બંધ રહેશે

આજરોજ શરદપૂર્ણિમા, ચંદ્રગ્રહણના સોમનાથ મંદિરના નિયમો

સોમનાથ મંદિર દર્શનનો સમય યથાવત રહેશે
ખાસ-ખબર સંવાદદાતા
ગીર સોમનાથ આજરોજ શનિવારના ચંદ્રગ્રહણને લઇને શ્રી સોમનાથ મંદિર તેમજ ટ્રસ્ટ હસ્તકના તમામ મંદિરોમાં ગ્રહણના વેધ સ્પર્શ થી મોક્ષ સુધી નિયમિત થતી પૂજાઓ, આરતી સહિતનો ઉપક્રમ સ્થગીત રહેશે.અને આજના ચંદ્રગ્રહણ પ્રભાસ ક્ષેત્રને સ્પર્ષતુ હોવાથી પાળવું શાસ્ત્રોક્ત રીતે આવશ્યક હોય છે.

સોમનાથના સ્થાનીક સમય પ્રમાણે નિચે મુજબ સમયે ગ્રહણનનો વેધ-સ્પર્ષ-મધ્ય-મોક્ષ વિગેરે થાય છે. ચંદ્રગ્રહણને અનુલક્ષીને આજ રોજ ટ્રસ્ટના સોમનાથ મંદિર સહિતના મંદિરોમાં મધ્યાહ્ન આરતી પછી દરેક પુજા ક્રમ બંધ રહેશે. સાથે જ સાથે આરતી, ગંગાજળ અભિષેક, બિલ્વપૂજા, ધ્વજાપૂજા, સોમેશ્વર મહાપૂજન, યજ્ઞો સહિતની તમામ પૂજાઓ બંધ રહેશે. સોમનાથ મંદિર પરીસરમાં દરમાસની પુર્ણીમાએ યોજાતા સુંદરકાંડપાઠ નિયત સમયે સાંજે 5-30 વાગ્યે પ્રારંભ થશે. તા.29 ઓકટોબરના તમામ મંદિરો તેના નિયત સમયે ખુલશે. ગ્રહણ મોક્ષ તા.29 ઓકટોબર ના મધ્યરાત્રીએ થતો હોવાથી, પ્રાત: મહાપૂજન સવારે 6:10 કલાકે, પ્રાત:આરતી સવારે 7:00 કલાકે નિયત સમય અનુસાર કરવામાં આવશે.ચંદ્ર ગ્રહણના રોજ શ્રી સોમનાથ મંદિર દર્શનનો સમય પ્રાત: 6-00 થી રાત્રીના 10-00 સુધીનો રહેશે. ગ્રહણનો પુણ્યકાળ ગ્રહણ સ્પર્શથી ગ્રહણ મોક્ષ સુધી રહેશે.

તા.28 અને 29 ઓકટોબરના ગ્રહણની વિગત
વેધ પ્રારંભ બપોરે 1:42:44 (કલાક: મીનીટ-સેક્ધડ)
ગ્રહણ સ્પર્શ રાત્રે 10:43:28 (કલાક:મીનીટ સેક્ધડ)
ગ્રહણ મધ્ય મધ્યરાત્રીના 12:57:00 (કલાક મીનીટ-સેક્ધડ)

ગ્રહણ મોક્ષ
મધ્યરાત્રિના 03:08:03 (કલાક: મીનીટ-સેક્ધડ)