પીએમ મોદીએ આગમન પર પરંપરાગત સામ્બા રેગે પ્રદર્શનની પ્રશંસા કરી
મોદી રાષ્ટ્રપતિ લુલા સાથે વ્યૂહાત્મક સંબંધો અંગે ચર્ચા કરશે
- Advertisement -
બ્રાઝિલ પછી, મોદી નામિબિયાની મુલાકાત લેશે, જે તેમના પાંચ દેશોના પ્રવાસનું સમાપન કરશે.
બ્રાઝિલના રિયો ડી જેનેરિયોમાં આયોજિત 17 બ્રિક્સ સમિટમાં ભાગ લીધા બાદ વડાપ્રધાન નરેન્દ્ર મોદી બ્રાઝિલની રાજધાની બ્રાઝિલિયા પહોંચ્યા હતા. જ્યાં તેમનું ઉષ્માભર્યું અને શિવતાંડવ સાથે સ્વાગત કરાયું છે.
બ્રાઝિલિયા પહોંચ્યા બાદ તેઓ ત્યાં હાજર ભારતીય સમુદાયના લોકોને મળ્યા અને તેમની સાથે વાત પણ કરી હતી. ત્યાં વસતા ભારતીયોએ પરંપરાગત રીતે પીએમ મોદીનું સ્વાગત કર્યું, જેનાથી વાતાવરણ ઉત્સવમય બન્યું હતું.
- Advertisement -
આ મુલાકાત ભારત અને બ્રાઝિલ વચ્ચે વ્યૂહાત્મક ભાગીદારીને નવી દિશા આપવાના ઉદ્દેશ્યથી હાથ ધરવામાં આવી રહી છે, જેમાં વેપાર, સંરક્ષણ, ઉર્જા, ટેકનોલોજી અને આરોગ્ય જેવા ઘણા મહત્વપૂર્ણ ક્ષેત્રોનો સમાવેશ થાય છે.
X પરની એક પોસ્ટમાં, વિદેશ મંત્રાલય (MEA)ના પ્રવક્તા રણધીર જયસ્વાલે જણાવ્યું હતું કે, “ભારત-બ્રાઝિલની મજબૂત ભાગીદારીમાં નવી પ્રગતિ થઈ રહી છે. PM @narendramodi બ્રાઝિલની રાજ્ય મુલાકાતે રાજધાની બ્રાઝિલિયા પહોંચ્યા છે. એરપોર્ટ પર તેમનું સ્વાગત બ્રાઝિલના સંરક્ષણ પ્રધાન જોસ મુસિયો મોન્ટેરો ફિલ્હો દ્વારા કરવામાં આવ્યું હતું. પરંપરાગત બ્રાઝિલિયન સામ્બા રેગે પ્રદર્શન દ્વારા સ્વાગતને સંગીતમય બનાવવામાં આવ્યું હતું.”
પીએમ મોદીએ સોશિયલ મીડિયા પ્લેટફોર્મ X પર એક વીડિયો શેર કર્યો હતો, જેમાં તેમને બ્રિક્સ સમિટમાં ભાગ લેતા અને વિશ્વ નેતાઓ સાથે દ્વિપક્ષીય બેઠકો કરતા દર્શાવવામાં આવ્યા હતા. વીડિયોમાં એ પણ દર્શાવવામાં આવ્યું હતું કે રિયો ડી જાનેરો પહોંચ્યા પછી પીએમ મોદીનું ભારતીય ડાયસ્પોરા તરફથી ઉષ્માભર્યું સ્વાગત કેવી રીતે થયું.
વિદેશ મંત્રાલય (MEA) ના નિવેદન મુજબ, વાતચીતમાં બંને દેશો વ્યૂહાત્મક ભાગીદારીને વધુ મજબૂત બનાવવા પર ધ્યાન કેન્દ્રિત કરશે. આમાં વેપાર, સંરક્ષણ, ઉર્જા, અવકાશ, ટેકનોલોજી, કૃષિ, આરોગ્ય અને બંને દેશોના લોકો વચ્ચે સંપર્ક જેવા મુદ્દાઓ પર ચર્ચા કરવામાં આવશે. વડાપ્રધાનની આ મુલાકાત ભારત અને બ્રાઝિલ વચ્ચેના પરસ્પર સહયોગ અને સંબંધોને નવી દિશા આપતી જોવા મળી રહી છે.
