– ખેલાડીઓ ગાવસ્કર જેવા દિગ્ગજો પાસે સલાહ લેવા જતા નથી
ભારતીય ક્રિકેટ ટીમના પૂર્વ દિગ્ગજ ઓલરાઉન્ડર અને વર્લ્ડકપ વિજેતા કેપ્ટન કપિલ દેવે ટીમ ઇન્ડિયાના કેટલાક ખેલાડીઓને તેમના ઘમંડ અંગે નિવેદન આપ્યું હતું. તેમણે જણાવ્યું હતું કે, જ્યારે વધારે પૈસા હોય ત્યારે અભિમાન આવે છે. તેમણે એવો પણ દાવો કર્યો હતો કે નવી પેઢીનો કોઈ ખેલાડી પોતાની સમસ્યાઓ લઈને અનુભવી સુનીલ ગાવસ્કર પાસે ગયો નથી. આમાં તેણે સલાહ આપી કે કોઈ અનુભવી વ્યક્તિ તમારી મદદ કરી શકે છે.
- Advertisement -
સચિન તેંડુલકર, વિરેન્દ્ર સેહવાગ અને કોચ રાહુલ દ્રવિડે પોતે પોતાની કારકિર્દીમાં જ્યારે જરૂર પડી ત્યારે દિગ્ગજ સુનીલ ગાવસ્કરની મદદ લીધી છે, પરંતુ નવી પેઢીમાં આ જોવા મળ્યું નથી. કોઈ પણ ખેલાડી પોતાની સમસ્યાઓ લઈને ગાવસ્કર પાસે નથી ગયો. આના કારણે કપિલ દેવ ખૂબ જ પરેશાન દેખાતા હતા. ધ વીક સાથે વાત કરતા તેણે ખેલાડીઓના આત્મવિશ્વાસને લઈને નિવેદન આપ્યું છે.
કપિલ દેવે વધુમાં જણાવ્યું હતું કે, મતભેદ સામે આવે છે. આ ખેલાડીઓની સારી વાત એ છે કે, તેઓ ખૂબ જ આત્મવિશ્વાસ ધરાવે છે. નકારાત્મક બાબત એ છે કે, તેઓ વિચારે છે કે, તેઓ બધું જ જાણે છે. મને ખબર નથી કે, આને યોગ્ય તરીકે કઈ રીતે કહી શકાય, પરંતુ તેઓ આત્મવિશ્વાસ ધરાવે છે. તેઓ વિચારે છે કે, ‘તેમને કોઈને પૂછવાની જરૂર નથી’. અમે માનીએ છીએ કે, અનુભવી વ્યક્તિ તમારી મદદ કરી શકે છે.
કપિદ દેવે જણાવ્યું હતું કે, ‘ક્યારેક જ્યારે ઘણા પૈસા હોય છે ત્યારે ઘમંડ આવી જાય છે. આ ક્રિકેટર્સને લાગે છે કે તેઓ બધું જ જાણે છે. આ તફાવત છે. હું કહીશ કે, ઘણા એવા ક્રિકેટર્સ છે, જેમને મદદની જરૂર છે. સુનીલ ગાવસ્કર હોય ત્યારે તમે કેમ વાત નથી કરી શકતા? અહંકાર ક્યાં છે? એવો કોઈ અહંકાર નથી. તેઓ વિચારે છે કે, તેઓ ઘણા સારા હશે, પરંતુ કોઈ આવા વ્યક્તિની વધારે મદદ કે, જેણે ક્રિકેટની 50 સિઝન જોઈ હોય. તેઓ એ વસ્તુ જાણે છે. ક્યારેક ક્યારેક સાંભળી લેવું એ તમારા વિચારને બદલી શકે છે.
