સરકારને ઝટકો : પીએમ કેયર્સ ફંડના રૂપિયા NDRFમાં ટ્રાન્સફર નહીં થાય, સુપ્રીમે અરજી ફગાવી

સુપ્રીમ કોર્ટે કહ્યું છે કે કોઈ પણ વ્યક્તિગત અથવા કોર્પોરેટને એનડીઆરએફમાં ફાળો આપવા માટે કાનૂની અવરોધ નથી

પીએમ કેયર્સ ફંડ (PM Cares Fund) માં જમા કરાયેલ નાણાં નેશનલ ડિઝાસ્ટર રિલીફ ફંડ (NDRF) માં ટ્રાન્સફર કરી શકાતા નથી. સુપ્રીમ કોર્ટે આ સંદર્ભે દાખલ કરેલી અરજીને ફગાવી દીધી હતી. કોરોના રોગચાળા સામે લડવા માટે કેન્દ્ર સરકાર દ્વારા પીએમ કેયર્સ ફંડ ટ્રસ્ટની સ્થાપના કરવામાં આવી છે. જેમાં લોકોએ ખુલ્લા મને દાન આપી સરકારને કોરોનાની લડાઈમાં પોતાનો સહયોગ આપ્યો હતો. હજુ કોરોનાની લડાઈ ચાલુ છે. ત્યારે સરકાર આ ફંડને એનડીઆરએફમાં ટ્રાન્સફર કરવા માંગે છે.

સુપ્રીમ કોર્ટે કહ્યું છે કે કોઈ પણ વ્યક્તિગત અથવા કોર્પોરેટને એનડીઆરએફમાં ફાળો આપવા માટે કાનૂની અવરોધ નથી. આ ઉપરાંત સુપ્રીમ કોર્ટે એમ પણ કહ્યું હતું કે સરકાર પીએમ કેયર્સ ફંડની રકમ યોગ્ય સ્થાને સ્થાનાંતરિત કરવા માટે સ્વતંત્ર છે કારણ કે આ બંને ભંડોળ જુદા છે. સેન્ટર ફોર પબ્લિક ઇન્ટરેસ્ટ લિટીગેશન (સીપીઆઈએલ) વતી દાખલ કરેલી જાહેર હિતની અરજી પર સુપ્રિમ કોર્ટે 17 ઓગસ્ટના સુનવણી કરી પોતાનો નિર્ણય સુરક્ષિત રાખ્યો હતો. પીટીશનમાં પીએમ કેયર્સ ફંડમાં જમા કરાયેલ નાણાને રાષ્ટ્રીય આપત્તિ રાહત ફંડ એનડીઆરએફ ફંડમાં ટ્રાન્સફર કરવાની માંગ કરવામાં આવી હતી.

આ અગાઉ આ કેસની સુનાવણી દરમિયાન કેન્દ્ર સરકાર વતી સોલિસીટર જનરલ તુષાર મહેતાએ કહ્યું હતું કે એનડીઆરએફ ફંડ પણ સીએસઆર લાભ માટે પાત્ર છે. તે જ સમયે, કપિલ સિબ્બલે દલીલ કરી હતી કે કોર્પોરેટરો એનડીઆરએફમાં ફાળો નહીં આપે કારણ કે એનડીઆરએફ સીએસઆર દ્વારા ફાળો આપી શકશે નહીં અને તેમને કોઈ લાભ નહીં મળે. તે જ સમયે, વરિષ્ઠ એડવોકેટ દવેએ કહ્યું હતું કે આપત્તિ રાહત માટે ફાળો આપતો દરેક ભંડોળ એનડીઆરએફમાં સ્થાનાંતરિત થવો જોઈએ. પીએમ કેર્સ ફંડ કેવી રીતે ખાનગી છે જ્યારે તેના ટ્રસ્ટી મંત્રીઓ છે અને પીએમ કેયર્સ ફંડને સીએસઆરનો લાભ કેવી રીતે આપવામાં આવે છે?

સુપ્રીમ કોર્ટમાં છેલ્લી સુનાવણીમાં કેન્દ્ર સરકારે આ ભંડોળના નિર્માણનો બચાવ કર્યો હતો. સુપ્રીમ કોર્ટમાં સોગંદનામું દાખલ કરીને કેન્દ્ર સરકારે કહ્યું કે પીએમ કેર ફંડ બનાવવા પર કોઈ પ્રતિબંધ નથી. રાષ્ટ્રિય અથવા રાજ્ય આપદા સમયે પીએમ કેર ફંડ બીજા ફંડ પર રોક નથી લગાવતું. લોકો આ ભંડોળમાં સ્વેચ્છાએ દાન આપી શકે છે. તેથી, તમામ નાણાં એનડીઆરએફમાં સ્થાનાંતરિત કરવાની માંગ સુનવણી યોગ્ય નથી. કેન્દ્ર સરકારે આ કેસમાં દાખલ કરેલી પીઆઈએલને રદ કરવાની માંગ કરી હતી.