ઝુલતા પૂલ દુર્ઘટનાના દિવંગતોના મોક્ષાર્થે મોરબીમાં ભાદરવી પુનમથી મોરારિબાપુની રામકથા

ખાસ-ખબર સંવાદદાતા
મોરબી ઝૂલતા પુલ દુર્ઘટનામાં મૃત્યુ પામેલા દિવંગતોના મોક્ષાર્થે આગામી તા. 30 સપ્ટેમ્બર 2023 ને ભાદરવી પૂનમના દિવસથી મોરબીમાં મોરારીબાપુના શ્રીમુખે રામકથા યોજાશે. 30 ઓક્ટોબરના ગોઝારા દિવસે મોરબીમાં ઝૂલતો પુલ તૂટી પડતા 135 લોકોનો ભોગ લેવાયો હતો જે દુર્ઘટના બાદ મૃતાત્માઓને શ્રદ્ધાંજલિ આપવા માટે યોજાયેલ શ્રદ્ધાંજલિ સભામાં મોરબી ખાતે રામકથા યોજવા મોરારીબાપુએ જાહેર કર્યું હતું કે, દુર્ઘટનાની પ્રથમ વાર્ષિક પુણ્યતિથિ પહેલા તેઓ મોરબીમાં કથા યોજશે તે દરમિયાન મોરબી કબીર આશ્રમના શિવરામદાસ બાપુએ જણાવ્યું હતું કે, મોરબીમાં બાપુના શ્રીમુખે આગામી તા. 30 સપ્ટેમ્બર 2023 એટલે કે ભાદરવી પૂનમથી 8 ઓક્ટોબર દરમિયાન મોરબી કબીર આશ્રમ સામેની જગ્યામાં ઝૂલતા પુલ દુર્ઘટનામાં મૃત્યુ પામેલા દિવંગતોના મોક્ષાર્થે રામકથાનું આયોજન કરવામાં આવ્યું છે.