જૂનાગઢ કારમાંથી 360 બોટલ સાથે મળી 5.44 લાખનો દારૂ ઝડપાયો

ખાસ-ખબર સંવાદદાતા
જૂનાગઢ શહેરનાં ગાંધીગ્રામ વિસ્તારમાં રહેતો અજય ઉર્ફે અજલો ભુરા રાડા ઇવનગર રોડ પરથી દારૂ ભરેલી કાર લઇને આવતો હોવાની બાતમી મળતા સી-ડીવીઝન પોલીસે ધરમ અવેડાથી સિન્ધી સોસાયટી તરફના રસ્તા પર વોચ ગોઠવી હતી. આ દરમિયાન જીજે11-એબી-5860 નંબરની કાર આવતા ઇન્ચાર્જ પીએસઆઇ વાય.બી.રાણા સહિતના સ્ટાફે કારને રોકવા પ્રયાસ કર્યો હતો. પરંતુ અજય ઉર્ફે અજલાએ કાર પુર ઝડપે ચલાવી ધરમ અવેડા તરફ ભગાવી મુકી હતી. પોલીસે પીછો કરતા અજય કાર સિન્ધી સોસાયટી તરફ જતા રસ્તે ગલીમાં કાર મુકી નાસી ગયો હતો. કારમાં તપાસ કરતા તેમાંથી રૂા.1.44 લાખની કિંમતનો 360 બોટલ વિદેશી દારૂ મળી આવ્યો હતો. દારૂ તથા કાર મળી કુલ પ.44 લાખનો મુદ્દામાલ કબ્જે કરી નાસી ગયેા અજય ઉર્ફે અજલા ભુરા રાડા સામે ગુનો દાખલ કરી વધુ કાર્યવાહી હાથ ધરવામાં આવી હતી.