ફિલ્મના સેન્સરમાં મોડા પડો તો તત્કાલના નામે 90.000 ભરો

અભિલાષ ઘોડા

વિવિધ વિષય વસ્તુ વાળી ગુજરાતી ફિલ્મો ગત વર્ષ માં કુલ 104 બની. આવનારા દિવસોમાં આ આંકડો વધવાની પુરી શક્યતાઓ છે. આ જ રીતે રાજસ્થાન ફિલ્મ ઉદ્યોગ પણ ધમધમી રહ્યો છે. આ પરિસ્થિતિઓ જોતા ભારત સરકારનું માહિતી અને પ્રસારણ મંત્રાલય, કેન્દ્રીય ફિલ્મ પ્રમાણપત્ર બોર્ડ નું એક યુનીટ ગુજરાતના અમદાવાદ માં ખોલે તે તરફ સમગ્ર ફિલ્મ ફ્રેટરનીટી ની નજર છે.
ફિલ્મ ફ્રેટરનીટી દ્વારા આ માટે અનેક પ્રયાસો કરવામાં આવ્યા છે.

જો ઈઇઋઈ ની એક બ્રાન્ચ અમદાવાદ માં શરૂ થાય તો ગુજરાત અને રાજસ્થાન ના અઢળક નિર્માતાઓ ના મુંબઈ ના ધક્કા અને ખર્ચાઓ બચી જાય. છેલ્લી માહીતી મુજબ હવે તત્કાલ ના નામે વધારાના 90.000/- છેલ્લી મીનીટે સેન્સર માટે ટળવળતા નિર્માતાઓ પાસે ભરાવી દુકાળમાં અધીક માસ જેવી સ્થીતી ઉભી કરવામાં આવી છે. ફિલ્મ માટે જરૂરી ઇન્ફ્રાસ્ટ્રક્ચર તો હવે ગુજરાતમાં છે જ. રાજ્ય ના પ્રવાસન વિભાગ તરફથી જાહેર કરવામાં આવેલ સિનેમેટીક ટુરિઝમ પોલીસી અંતર્ગત અનેક ફિલ્મો બની રહી છે. ફિલ્મ બનાવવા માટે જરૂરી સ્ટુડીયો, સાધનો, ટેક્નિકલ સ્ટાફ, અને સૌથી અગત્યના ફિલ્મ ના લોકેશન્સ પણ ગુજરાતમાં સરળતાથી ઉપલબ્ધ છે. સિનેમેટિક ટુરિઝમ અંતર્ગત શરૂ કરવામાં આવેલ સિંગલ વિન્ડો પરમીશન પણ ઉત્તમ રીતે કામ કરે છે. આ તમામ પરિસ્થિતિઓ જોતા હવે માત્ર સેન્સર માટે જ મુંબઇ વારંવાર ધક્કા કરવા પડે છે. ફ્લાઇટ કે ટ્રેનના ભાડા, હોટલ, ખાણી – પીણી અને મુંબઇ નું લોકલ ટ્રાન્સપોર્ટેશન અને લટકામાં તત્કાલ ના નામે 90.000 રૂપીયાનો નવો બોજ !!!! વગેરે ગણીએ તો આ કારણ વગરનું આર્થિક ભારણ ફિલ્મ પર આવે છે. અને માટે જ અન્ય રાજ્યોની જેમ ગુજરાતમાં પણ કેન્દ્રીય ફિલ્મ પ્રમાણપત્ર બોર્ડ નું એક યુનીટ સ્થાપવામાં આવે તો ગુજરાતી અને રાજસ્થાની ફિલ્મ ફ્રેટરનીટી ને ખુબ મોટી સરળતા ઉભી થઇ શકે તેમ છે.

આ અંગે કેન્દ્રીય નેતૃત્વ પાસે લેખિત માં પણ અનેક વખત માંગણી કરવામાં આવી છે. આગામી દિવસોમાં આ સુંદર જાહેરાત થાય તેની રાહ ગુજરાત અને રાજસ્થાન ફિલ્મ ફ્રેટરનીટી જોઈ રહ્યું છે.

2024માં ગુજરાતી ફિલ્મનો આંકડો પહોંચ્યો 104

વારાણસી, કોલકત્તા અને જુનાગઢના અદભુત લોકેશન્સ પર શુટ થયેલી ગુજરાતી ફિલ્મ કાશી-રાઘવ આગામી 3 જાન્યુઆરીએ રીલિઝ થશે

ગુજરાતી ફિલ્મોના વિષય અને માવજતને લઇને સોશિયલ મીડીયા પર મજાક ઉડાવતા કેટલાક લોકોને સણસણતો જવાબ આપવા ’કાશી રાઘવ’ નામની ગુજરાતી ફિલ્મ આગામી 3 જાન્યુઆરીથી મુંબઇ સહીત ગુજરાતના થીએટરોમાં આવી રહી છે.

વારાણસી, કોલકત્તા અને સૌરાષ્ટ્ર ના જુનાગઢ આસપાસ ના સુંદર લોકેશન્સ પર શુટ થયેલી આ ફિલ્મ સાવ નવા અને નાજુક વિષય સાથે તૈયાર કરવામાં આવી છે. મુળ એડ ફિલ્મોમાં કાબેલ એવા ધૃવ ગોસ્વામી દિગ્દર્શિત આ પ્રથમ ગુજરાતી ફિલ્મ છે. ફિલ્મ માં એક સેક્ધડ પણ પ્રેક્ષકને પડદા પરથી આંખ હટાવવાની ઇચ્છા ન થાય તે રીતે આ ફિલ્મ ની માવજત કરવામાં આવી છે. આ ફિલ્મ ના કાસ્ટિંગ ની જવાબદારી જાણીતા કાસ્ટિંગ ડાયરેક્ટર અવની સોની એ સંભાળી છે. જાણીતી અભિનેત્રી દિક્ષા જોષી અને અભિનેતા જયેશ મોરે સહીત તમામ કલાકારોએ આ ફિલ્મ માં પોતપોતાના પાત્રો દમદાર રીતે નિભાવ્યા છે. નયનરમ્ય લોકેશન્સ અને મજબુત સંગીત સાથે તૈયાર થયેલી આ ફિલ્મ ના નિર્માતા છે ધનપાલ શાહ.

સ્કિલ ડેવલોપમેન્ટના સુંદર વિષય સાથે ગઇકાલે રીલિઝ થઇ ફિલ્મ ’ભૂમિ’
એક નાના ગામના નાના તળાવમાં ડુબકી મારી મારીને તરતા શીખેલી એક ગ્રામીણ યુવતી આંતરરાષ્ટ્રીય સ્વિમીંગ ચેમ્પિયન કેવી રીતે બની તેવા રોમાંચક અને મહીલા સશક્તિકરણ ના વિષય પર તૈયાર થયેલી ગુજરાતી ફિલ્મ ’ભૂમિ’ ગઇકાલે રીલિઝ થઇ ચુકી છે. પાત્ર, રોલ નંબર 56, પોપટ, મુક્તિઘર જેવા સુંદર વિષય સાથે ફિલ્મો આપનાર, લેખક – દિગ્દર્શક ભાવિન ત્રીવેદી ફરી એક વખત સાવ જુદા વિષયની ફિલ્મ ’ભૂમિ’ લઈ ને ગઇકાલથી ગુજરાતી સિનેમાના પડદે આવી ગયા છે. રાગી જાની જેવા સિદ્ધહસ્ત કલાકાર સહીત જ્હાનવી સોનેજી જેવી અભિનેત્રીએ તેમના પાત્રને જીવંત કર્યું છે. આ ગુજરાતી ફિલ્મ સિનેમાઘરો માં જઇને જરૂર જોજો.