રિલાયન્સના શેર સતત ધોવાઈ રહ્યા છે
ખાસ-ખબર સંવાદદાતા
રિલાયન્સની તાજેતરમાં જ યોજાયેલી વાર્ષિક સામાન્ય સભામાં મુકેશ અંબાણીએ 5ય્થી લઈને અરામકો સાથેની ડીલ તેમજ રિટેલ બિઝનેસના ઉજ્જવળ ભવિષ્યને લઈને મોટા દાવા કર્યા હતા. અૠખ પહેલા રિલાયન્સનો શેર 2250 રુપિયાની આસપાસ ટ્રેડ થઈ રહૃાો હતો, જે હાલ ઘટીને 2100ના લેવલ પર આવી ગયો છે. આ સ્થિતિમાં રિલાયન્સના શેરની ભવિષ્યમાં શું ચાલ રહેશે તે અંગે સંદીપ સભરવાલે પોતાનો મત વ્યક્ત કર્યો હતો.
સભરવાલે જણાવ્યું હતું કે હાલના તબક્કામાં રિલાયન્સની રણનીતિ મૂંઝવણભરી લાગી રહી છે. કંપનીએ ટેલીકોમ અને રિટેલ બિઝનેસમાં સપાટો બોલાવી દીધો હતો. ત્યારબાદ દેવામુક્ત બનવાની જાહેરાત અને વિશાળ ફંડ ઉભું કરવાની નીતિ બનાવી હવે કંપનીએ નવા ક્ષેત્રમાં ધમાકેદાર એન્ટ્રી કરવાનો પ્લાન જાહેર કર્યો છે. પોતાનો અંગત મત વ્યક્ત કરતા સભરવાલે જણાવ્યું હતું કે હાલની સ્થિતિમાં કંપની દ્વારા દેવામુક્ત બની રહેવું મુશ્કેલ છે. કેશ લોની વાત કરીએ તો ગયું વર્ષ 80 હજાર કરોડના ઘટાડા સાથે રિલાયન્સ માટે ખરાબ સાબિત થયું હતું. જિયો પ્લેટફોર્મ અને રિલાયન્સ રિટેલમાં સતત રોકાણની જરુર હોવાથી નવા બિઝનેસમાંથી કંપનીને ધાર્યા અનુસાર કેશ લો નહોતો મળી શક્યો. તેવામાં કંપની જેમ-જેમ વધારે નવા ક્ષેત્રોમાં એન્ટ્રી લેતી જશે તેમ-તેમ તેના કેશ લો પર તેની સીધી અસર દેખાશે.
