કાપડના વેપારીએ 1.67 કરોડ રૂપિયા અઢીથી 45% સુધીના વ્યાજે લીધા બાદ વેપારી પાસેથી કોરા ચેક, પ્રોમીસરી નોટ, મકાનનો દસ્તાવેજ તેમજ વાહનની આરસી બુક બળજબરીપૂર્વક લઇ લીધી
ખાસ-ખબર સંવાદદાતા
મોરબીમાં કાપડના વેપારી પાસેથી રૂ.1.67 કરોડના અઢીથી લઈ 45 ટકા સુધીનું ચામડાતોડ વ્યાજ વસુલવા પઠાણી ઉઘરાણી કરતા 22 લોકો સામે ફરિયાદ નોંધાવતા પોલીસે તમામ સામે ગુનો દાખલ કરી આગળની ધોરણસરની કાર્યવાહી હાથ ધરી છે. મોરબીના રવાપર ધુનડા રોડ પર શિવમ પેલેસમાં રહેતા નીલ ભૂપતરાય પોપટે મોરબી એ ડીવીઝન પોલીસમાં 22 લોકો સામે ફરિયાદ નોંધાવી છે.
- Advertisement -
જેમાં જણાવાયું છે કે આરોપીઓએ અલગ અલગ સમયે વ્યાજની પઠાણી ઉધરાણી કરી સહી વાળા કોરા ચેક, પ્રોમીસરી નોટ તથા લખાણ લખવી, મકાનનો દસ્તાવેજ બળજબરી પૂર્વક કરાવી લઇ તેમજ વાહનની આરસી બુક બળજબરી પૂર્વક લઇ લીધી છે અને વધુ રૂપિયાની અવારનવાર પઠાણી ઉધરાણી કરી ટાટીયા ભાંગી નાખવાની ધમકી અને જાનથી મારી નાખવાની ધમકી આપી છે. મોરબીમાં વેપારી પાસેથી 45 ટકા સુધીનું માસિક વ્યાજ વસૂલવા પઠાણી ઉઘરાણી કરતા 22 સામે ગુનો દાખલ થયાનું જાણવા મળેલ છે. કાપડના વેપારીએ 1 કરોડથી વધુની રકમ વ્યાજે લીધી લીધી હતી. 22 વ્યાજખોરો સામે પઠાણી ઉધરાણી કરતા હોવાંની ફરિયાદ નોંધાઈ છે. રાજુભાઈ ડાંગર પાસેથી 7 ટકા વ્યાજે 2,00,000, રામદેવસિંહ જાડેજા પાસેથી 8 ટકા વ્યાજે 5,00,000, સનીભાઈ પાસેથી 4 ટકા વ્યાજે 3,50,000, અલ્કેશભાઈ કોટક પાસેથી 10 ટકા વ્યાજે 3,00,000, ભાવેશભાઈ શેઠ પાસેથી 1.5 ટકા વ્યાજે 4,50,000, નવીનભાઈ માખીજા પાસેથી 3 ટકા વ્યાજે 20,00,000, મોસીનભાઈ માંકડિયા પાસેથી 10 ટકા વ્યાજે 5,00,000, કાનાભાઈ ડાંગર પાસેથી 4 ટકા વ્યાજે 4,50,000, મહેશભાઈ બારેજીયા પાસેથી 2 ટકા વ્યાજે 6,50,000, ભરતભાઈ કોટેચા પાસેથી 2 ટકા વ્યાજે 5,00,000, પરેશભાઈ કચોરીયા પાસેથી ત્રણ ટકા વ્યાજે 12,00,000, કેતનભાઈ પટેલ પાસેથી 7.5 ટકા વ્યાજે 16,50,000, મહેશભાઈ ચારોલા પાસેથી 2 ટકા વ્યાજે 30,00,000, અશ્ર્વિનસિંહ ઝાલા પાસેથી 4.5 ટકા વ્યાજે 7,00,000, નીલેશભાઈ કેસરિયા પાસેથી 2 ટકા વ્યાજે 3,00,000, હિરેનભાઈ પોપટ મારફત દેવાંગભાઈ પાસેથી 2,00,000 જે દરરોજના 600 રૂપિયા વ્યાજ લેખે અને સમીરભાઈ પંડ્યા પાસેથી 4.5 ટકા વ્યાજે 2,50,000 વ્યાજે લીધેલા હતા.
જે આરોપીઓએ ફરિયાદી નીલ પાસેથી અલગ અલગ સમયે વ્યાજની પઠાણી ઉધરાણી કરી સહી વાળા કોરા ચેક, પ્રોમીસરી નોટ તથા લખાણ લખાવી, મકાનનો દસ્તાવેજ બળજબરી પૂર્વક કરાવી લઇ તેમજ વાહનની આર.સી. બુક બળજબરી પૂર્વક લઇ લીધેલ હોય અને વધુ રૂપિયાની અવારનવાર પઠાણી ઉધરાણી કરી ટાટીયા ભાંગી નાખવાની ધમકી અને જાનથી મારી નાખવાની ધમકી આપી હોવાની ફરિયાદ નોંધાવી છે મોરબી એ ડીવીઝન પોલીસે ફરિયાદ નોંધાઈ વધુ તપાસ હાથ ધરી છે.
