મહાઆરતી અને ભાવિકો માટે મહાપ્રસાદનું અનેરુ આયોજન કરાયું
ખાસ-ખબર ન્યૂઝ જૂનાગઢ, તા.8
જૂનાગઢ ગીરીવર ગિરનારની ટોચ ઉપર બિરાજમાન જગતજનની મા અંબાના મંદિરે આસો નવરાત્રી નો આઠમનો હવન શુક્રવારે સવારે યજ્ઞ શરૂ થશે બપોરે 12:00 વાગે બીડુ હોમવામાં આવશે મંદિરના મહંત શ્રી તનસુખગીરી બાપુની એક યાદીમાં જણાવાયું છે કે માતાજીના નવલા નોરતાના અનુષ્ઠાન અને માતાજીની રોજબરોજની પૂજા અર્ચન અને આરતી અને હવનષ્ટમી આઠમનો યજ્ઞ તા.11ને શુક્રવારના રોજ યોજવામાં આવશે વહેલી સવારે યજ્ઞ શરૂ થશે બપોરે 12:00 વાગે બીડુહોમવામાં આવશે ત્યારબાદ મહાઆરતી અને ભાવિકો માટે મહાપ્રસાદનું અનેરુ આયોજન કરાયું છે જેમાં માતાજીના દર્શને પધારેલા ભાવિકો માટે મહાપ્રસાદનું આયોજન કરાયું છે સાથે સાથે નવરાત્રીમાં અનુષ્ઠાન કરી રહેલા પૂજારીઓ હવનમાં ભાગ લેશે તદઉપરાંત નીચે ભીડભંજન મહાદેવની જગ્યા ખાતે પૂજ્ય તન્સુખગીરી બાપુની નિશ્રામાં વાઘેશ્વરી માતાજીના અનુષ્ઠાનના હવનના દિવસે યજ્ઞ યોજાશે જેમાં પૂજ્ય બાપુ દ્વારા ગરબી મંડળની બાળાઓને પ્રસાદ અને લાણીનું વિતરણ કરવામાં આવશે.
