કુલ આંક 172; જિલ્લામાં 38 પોઝિટિવ કેસ : હાલ 21 દર્દીઓ હોમ આઈસોલેશનમાં સારવાર હેઠળ
ખાસ-ખબર ન્યૂઝ રાજકોટ
- Advertisement -
રાજકોટ શહેરમાં કોરોનાનો કહેર યથાવત્ છે, આજે વધુ 7 નવા દર્દીઓ સામે આવતા કુલ દર્દીઓની સંખ્યા 172 પર પહોંચી ગઈ છે. જોકે, રાહતની વાત એ છે કે સતત બીજા દિવસે નવા કેસની સરખામણીએ રિકવર થનાર દર્દીઓની સંખ્યામાં વધારો જોવા મળ્યો છે. આજે વધુ 9 દર્દીઓ સાજા થતાં રિકવર થયેલા દર્દીઓની કુલ સંખ્યા 114 પર પહોંચી છે. હાલ રાજકોટ શહેરમાં 58 દર્દીઓ સારવાર હેઠળ છે, જેમાંથી 3 દર્દીઓ સિવિલ હોસ્પિટલમાં અને બાકીના દર્દીઓ ઓમ આઈસોલેશનમાં સારવાર લઈ રહ્યા છે. રાજકોટ જિલ્લામાં પણ અત્યાર સુધીમાં 38 પોઝિટિવ કેસ નોંધાયા છે,
જેમાંથી 17 દર્દીઓ કોરોના મુક્ત જાહેર થયા છે અને હાલ 21 દર્દીઓ હોમ આઈસોલેશનમાં સારવાર હેઠળ છે.
શહેરમાં કોરોના સંક્રમણની ચેઈન તોડવા માટે તંત્ર દ્વારા સઘન પ્રયાસો કરવામાં આવી રહ્યા છે. મનપા દ્વારા ડોર-ટુ-ડોર સર્વેલન્સ, ટેસ્ટિંગ અને ટ્રેસિંગની કામગીરી વધુ સઘન બનાવવામાં આવી છે. જાહેર સ્થળો પર ભીડ ન થાય તે માટે પણ પગલાં લેવાઈ રહ્યા છે. શહેરીજનોને સામાજિક અંતર જાળવવા, માસ્ક પહેરવા અને સેનિટાઈઝરનો ઉપયોગ કરવા અપીલ કરવામાં આવી રહી છે.
રાજકોટ શહેર ઉપરાંત જિલ્લામાં પણ કોરોનાના કેસ નોંધાયા છે. અત્યાર સુધીમાં રાજકોટ જિલ્લામાં 38 પોઝિટિવ કેસ નોંધાયા છે. જેમાંથી 17 દર્દીઓ કોરોનામુક્ત જાહેર થયા છે અને હાલ 21 દર્દીઓ હોમ આઈસોલેશનમાં સારવાર હેઠળ છે.
જિલ્લા આરોગ્ય તંત્ર દ્વારા ગ્રામ્ય વિસ્તારોમાં પણ કોરોના સંક્રમણને રોકવા માટે જરૂરી પગલાં લેવામાં આવી રહ્યા છે.
