અન્ન જળનો ત્યાગ કરી 38 વર્ષ સુધી માત્ર ચા ઉપર કોઈ જીવી શકે ખરા? 

આ મહિલાએ 38 વર્ષથી માત્ર ચા ઉપર જ જીવિત રહી હોવાનો દાવો કરે છે

છત્તીસગઢમાં કોરિયા નામનો એક જિલ્લો છે. કોરિયા જિલ્લાના બદરિયા ગામમાં 49 વર્ષનાં પીલ્લીદેવી રહે છે. તેમનો દાવો છે કે તેમણે 38 વર્ષ માત્ર ચા પીને જ કાઢ્યા છે. વાત ટાઢા પહોરનું ગપ્પુ જેવી લાગે, પરંતુ ત્યાંના ડોક્ટરો પણ પિલ્લીદેવી સંપૂર્ણ સ્વસ્થ હોવાનું કહે છે.

પિલ્લીદેવીએ 11 વર્ષની ઉંમરે છઠ્ઠા ધોરણમાં હતા ત્યારથી અન્ન-જળનો ત્યાગ કર્યો છે. તે સૂર્યાસ્ત પછી માત્ર એકવાર કાળી ચા પીએ છે. શરૂઆતમાં બિસ્કીટ કે બ્રેડ સાથે દૂધવાળી ચા પીતા હતાં, પરંતુ પછી તેમણે માત્ર એકવાર કાળી ચા જ પીવાનું શરૂ કર્યું છે.

પિલ્લીદેવીનું કહેવું છે કે, પોતે શિવભક્ત હોવાને કારણે આટલા વર્ષોથી અન્ન-જળ વિના રહી શકે છે.