દેશભરમાં મહાશિવરાત્રિની તૈયારીઓ શરૂ થઈ ગઈ છે. આ વર્ષે હિંદુ ધર્મનો આ ખાસ તહેવાર 8 માર્ચે ઉજવવા જઈ રહ્યો છે. શિવરાત્રિ પર શિવ મંદિરો અને ઘરોમાં ભગવાન શિવની પૂર્ણ વિધિ વિધાન સાથે પૂજા કરવામાં આવે છે તેમજ મહાદેવનો અભિષેક કરવાના નિયમ પણ છે.
આ વર્ષે મહાશિવરાત્રી 8 માર્ચે છે. ધાર્મિક માન્યતા અનુસાર, આ તિથિએ માતા પાર્વતી અને ભગવાન શંકરના લગ્ન થયા હતા. તેથી આ દિવસને શિવ અને શક્તિના મિલન તરીકે પણ ઉજવવામાં આવે છે. ધાર્મિક માન્યતાઓ અનુસાર, આ દિવસે શિવ-પાર્વતીની પૂજા કરવાનો નિયમ છે.
- Advertisement -
ગંગાજળનો અભિષેક કરવાથી મોક્ષની પાપ્તી
અયોધ્યાના જ્યોતિષાચાર્ય નીરજ ભારદ્વાજ સમજાવે છે કે, શિવ ભક્તો ભગવાન શિવને પ્રસન્ન કરવા માટે મહાશિવરાત્રી પર અનેક કાર્યો કરે છે. આ દિવસે ગંગા જળથી શિવલિંગનો અભિષેક કરવો ખૂબ જ શુભ માનવામાં આવે છે. માન્યતાઓ અનુસાર, વ્યક્તિને ગંગાજળ ચઢાવવાથી મોક્ષ મળે છે. આ સાથે જ તમામ દુઃખો પણ દૂર થાય છે.
હરસિંગાર ફૂલ ચઢાવવાથી મનોકામના પૂરી થશે
માન્યતા છે કે, મહાશિવરાત્રિના દિવસે શિવલિંગ પર મધથી અભિષેક કરવો પણ ખૂબ શુભ હોય છે. આમ કરવાથી ધન પ્રાપ્તિનો માર્ગ ખુલી જાય છે. શિવરાત્રીના શુભ અવસર પર શિવલિંગ પર ઘી ચઢાવવાથી વંશ વધે છે.મહાશિવરાત્રીના દિવસે ભગવાન શિવને સરસવનું તેલ ચડાવવું પણ ખૂબ જ શુભ છે. કહેવાય છે કે, આમ કરવાથી વ્યક્તિને ગ્રહ દોષોથી મુક્તિ મળે છે, સાથે જ અટકેલા તમામ કામ પણ પૂરા થઈ જાય છે.મહાશિવરાત્રીના દિવસે ભગવાન શિવને બીલીપત્ર અવશ્ય અર્પણ કરવું જોઈએ. માન્યતાઓ અનુસાર, ભોલેનાથ બીલીપત્રને ખૂબ જ પ્રેમ કરે છે. જો તમે મહાશિવરાત્રિના દિવસે શિવલિંગ પર બીલીપત્ર ચઢાવો છો, તો તેનાથી તમારા ભાગ્યમાં વધારો થાય છે. આ ઉપરાંત આ દિવસે શમીના પાન અને હરસિંગાર ફૂલ ચઢાવવાથી પણ બધી મનોકામના પૂર્ણ થાય છે.
