દીવના ઘોઘલા ખાતે પાણીનાં ટાંકા અને ટુ વ્હીલર વચ્ચે અકસ્માત: એક બાળકનું મોત

ખાસ-ખબર ન્યૂઝ ગિર-સોમનાથ, તા.18
કેન્દ્રશાસિત પ્રદેશ દીવ ના ઘોઘલા ખાતે ગઈ કાલે રવિવારે સવારે દશ વાગ્યા ની આસપાસ દીવ પાંજરાપોળ નજીક હનુમાન ના મંદિર પાસે રોનક હિતેશ ચંદ્ર ઉં.વર્ષ 20, રહેવાસી બાદોદકર કોલોની, એકટીવા પર જતો હતો અને તેની પાછળ અયાસ મહેમુદ ખુરેશી ઉં. વર્ષ 14 રહેવાસી રીક્ષા સ્ટેન્ડ પાસે ઘોઘલા એ રોનક પાસે લીફટ માંગી હતી, તેઓ ને પાંજરાપોળ વળાંક માં પાણી ના ટાંકા નો ચાલક બાબુભાઈ બીજલભાઈ રાઠોડ ઉં. 55 વર્ષ રહેવાસી ગામ આલીધર તાલુકા, કોડીનાર વાળા એ એકટીવા ને અડફેટે લેતા બંને વચ્ચે અકસ્માત સર્જાયો હતો. અકસ્માત સર્જાતા એકટીવા માં પર ના બન્ને છોકરાઓ ને તાત્કાલિક સ્થાનિક યુવાનો દ્વારા સરકારી હોસ્પિટલ ખસેડવામાં આવ્યા જ્યાં એકટીવા ની પાછળ બેઠેલ ખુરેશી અયાસ મહેમુદ ને ડોક્ટર એ મૃત ઘોષિત કર્યો હતો, આ સમાચાર સાંભળતા જ સમગ્ર વાતાવરણ રુદન મય બન્યું હતું અને મુસ્લિમ સમાજ માં શોક નું મોજું ફરી વળ્યુ હતું.