આ પહેલા પણ 13 એપ્રિલે સિડનીના એક મોલમાં ચાકુ મારવાની ઘટના બની હતી. આ ઘટનામાં 6 લોકોનાં મોત થયા હતા.
ખાસ-ખબર ન્યૂઝ બલૂચિસ્તાન, તા.16
- Advertisement -
સિડનીમાં સોમવારે ફરી એકવાર છરાબાજીની ઘટના સામે આવી છે. મીડિયા રિપોર્ટ્સ અનુસાર આ ઘટનામાં 4 લોકો ઘાયલ થયા છે. આને લગતો એક વીડિયો પણ સોશિયલ મીડિયા પર વાયરલ થઈ રહ્યો છે, જેમાં એક વ્યક્તિ પૂજારીને ચાકુ મારતો જોવા મળી રહ્યો છે.
આ ઘટના સિડનીના ક્રાઈસ્ટ ધ ગુડ શેફર્ડ ચર્ચમાં બની હતી. એક યુવકે ચર્ચના પાદરી બિશપ ’માર મારી ઈમેન્યુઅલ’ પર ચાકુ વડે હુમલો કર્યો, જેના પછી આખા ચર્ચમાં નાસભાગ મચી ગઈ. આ ઘટના લાઈવ સ્ટ્રીમમાં રેકોર્ડ કરવામાં આવી હતી. પોલીસે આરોપીની ધરપકડ કરી છે અને તેની પૂછપરછ કરવામાં આવી રહી છે. ઘાયલોને નજીકની હોસ્પિટલમાં દાખલ કરવામાં આવ્યા છે. ઘાયલ લોકોની ઉંમર 20 થી 70 વર્ષની વચ્ચે છે. આ પહેલા પણ 13 એપ્રિલે સિડનીના એક મોલમાં ચાકુ મારવાની ઘટના બની હતી. આ ઘટનામાં 6 લોકોનાં મોત થયા હતા. 9 મહિનાના બાળક સહિત ઘણા લોકો ઘાયલ થયા હતા.
સિડની મોલમાં હુમલાની માહિતી મળતાની સાથે જ પોલીસ ટીમની એક મહિલા અધિકારી મોલમાં પહોંચી ગઈ હતી. આ દરમિયાન હુમલાખોરે પાછળ ફરીને મહિલા પોલીસ અધિકારી તરફ છરી બતાવી હતી. મહિલા અધિકારીએ તરત જ ગોળીબાર કર્યો, પોલીસના જણાવ્યા અનુસાર, સિડની મોલમાં થયેલા હુમલામાં મોટાભાગની મહિલાઓને નિશાન બનાવવામાં આવી હતી. આ હુમલામાં માત્ર એક જ વ્યક્તિનું મોત થયું હતું,
- Advertisement -
જે મોલનો સુરક્ષા ગાર્ડ હતો. ગાર્ડે મહિલાઓને બચાવવાનો પ્રયાસ કર્યો હતો. જ્યારે મહિલાઓ પર હુમલો કરવામાં આવ્યો ત્યારે અધિકારીઓ અને હુમલાખોરના પિતાનું કહેવું છે કે તે માનસિક રીતે બીમાર હતો.
