વેરાવળની દર્શન શાળાના 2 વિધાર્થીઓ NEETની પરીક્ષામાં ઝળક્યા: ગુજરાતના 9 વિધાર્થીઓ ટોપ 100માં ઝળક્યા

ગીર સોમનાથ જિલ્લામાં દર્શન સાયન્સ સ્કુલનો વિદ્યાર્થી થાનકી હિમાંક NEETમાં 700માંથી 557 ગુણ મેળવી 99.57% સાથે પ્રથમ

ખાસ-ખબર ન્યૂઝ ગિર-સોમનાથ, તા.16
ધો. 12 સાયન્સ પછીનાં મેડિકલ, ડેન્ટલ, આયુર્વેદ અને હોમિયોપેથી અભ્યાસક્રમોમાં પ્રવેશ માટે દેશભરમાં નીટ ( નેશનલ એલિજિબિલિટી કમ એન્ટ્રન્સ ટેસ્ટ) લેવામાં આવી હતી.જેનું પરીણામ જાહેર થયેલ. નીટમાં દેશના ટોપ 10માં બે વિદ્યાર્થી સહિત પ્રથમવાર ગુજરાતના 9 વિદ્યાર્થી દેશના ટોપ 100 રેન્કમાં આવ્યા છે.જેમાં દર્શન સાયન્સ સ્કુલનો વિદ્યાર્થી થાનકી હિમાંક હિરેનભાઇ ગઊઊઝ ની પરીક્ષામાં 700 માંથી 557 ગુણ મેળવી 99.57 % સાથે ગીર સોમનાથ જીલ્લામાં પ્રથમ ક્રમાંક મેળવેલ છે.

થાનકી હિમાંક ને પુછતાં જણાવેલ કે તેમના માતા-પિતા વેરાવળના નામાંકિત આંખના સર્જન છે.તેમની રોજની 10-12 કલાક ની મહેનત અને આ સફળતા પાછળ તમામ સ્ટાફગણ નું માર્ગદર્શન તેમજ માતા-પિતાનો સહકાર મળેલ જેના દ્વારા આ ઝળહળતું પરિણામ મેળવેલ.આગળ હવે તેમને હવે ગર્વમેન્ટ મેડિકલ કોલેજમાં એડમિશન મેળવી ડોક્ટર બનવું છે. ત્યારબાદ ઓઝા સુદંશુ રાજાકિશોરભાઇ એ 508 ગુણ અને 98.01 % સાથે દ્રિતિય નંબર મેળવેલ છે. સુધાંશું ને પુછતા જાણવા મળેલ કે તેમના પિતા અઇઙજ સ્કુલમાં શિક્ષક છે. તેમજ માતા ગૃહિણી છે. તેમની રોજની 10-12 કલાકની મહેનત અને તમામ સ્ટાફગણ નું માર્ગદર્શન દ્વારા આ પરિણામ મેળવેલ. તેમને આગળ હવે ખઇઇજ માં પ્રવેશ મેળવી ડોક્ટર બનવું છે.દર્શન સ્કુલનાં પ્રમુખ વિઠ્ઠલાણી સાહેબે તથા તમામ સ્ટાફગણે ઉતીર્ણ થયેલ વિદ્યાર્થીઓને અભિનંદન પાઠવેલ અને ભવિષ્યમાં ખુબ પ્રગતિ કરે તેવી શુભેચ્છા પાઠવેલ હતી.