વાઇબ્રન્ટ જૂનાગઢમાં 1200 કરોડના રોકાણથી યુવાનોને નવી તક : રાઘવજી પટેલ

ખાસ-ખબર સંવાદદાતા
વાઇબ્રન્ટ જુનાગઢ અંતર્ગત ઉદ્યોગકારોને રોકાણ માટે પૂરતું વાતાવરણ મળી રહે તે હેતુથી તેમજ રાજ્યની યોજાનારી વાઇબ્રન્ટ સમિટ-2024ની સમિટ અંતર્ગત જિલ્લા કક્ષાનો વાઇબ્રન્ટનો કાર્યક્રમ રાજય સરકારના માર્ગદર્શનમાં જિલ્લા વહીવટી તંત્ર દ્રારા યોજાયો હતો. જુનાગઢ જિલ્લામાં કૃષિ અને બાગાયત આધારિત વિવિધ ખેત પેદાશો આધારિત ઇન્ડસ્ટ્રીઝ તેમજ પ્રવાસન ક્ષેત્રે વિકાસની તક વધે તે માટે પ્રયાસો હાથ ધરવામાં આવ્યા છે. આ માટે રાજ્ય સરકાર દ્વારા પણ માળખાગત વિકાસના કામો હાથ ધરવામાં આવ્યા છે. આગામી ગુજરાત વાઇબ્રન્ટ સમિટ પૂર્વે જિલ્લાઓમાં રોકાણ અને તકો સાથે રાજ્યકક્ષાની સમિટ ની જાગૃતિ સહિતના હેતુએ આજે સફળતાપૂર્વક કાર્યક્રમ યોજવામાં આવ્યો છે તે અંગે હર્ષ વ્યક્ત કરતા મંત્રી રાઘવજી પટેલે જણાવ્યું હતું કે જુનાગઢ જિલ્લામાં 1200 કરોડના 1072 એમ.ઓ.યુ થયા છે.જિલ્લામાં કૃષિ, બાગાયત, પ્રવાસન અને ફીસરીઝ ક્ષેત્રે વિકાસની તકો રહેલી છે.
ઉદ્યોગકારોને જૂનાગઢ જિલ્લામાં વિવિધ સુવિધા મળી રહે અને નવી ઇન્ડસ્ટ્રીઝ અને વિકાસને લીધે યુવાઓને રોજગારી મળે તે માટે રાજ્ય સરકાર અને સ્થાનિક જિલ્લા વહીવટી તંત્ર કટિબદ્ધ છે.