દલીત સમાજના આગેવાન ડી.ડી.સોલંકી સહિતના ટોળાં સામે ફરજમાં રૂકાવટ, રાયોટિગ સહિતની ફરિયાદ
અટકાયત કરતી વેળાએ પોલીસમેનને ધક્કો મારી પછાડી દીધો : ત્રણ લોકો સિવિલમાં દાખલ થયાં
- Advertisement -
ખાસ-ખબર ન્યૂઝ રાજકોટ
રાજકોટના સીવીલ હોસ્પિટલમાં ચોક ખાતે ગત રાત્રે સર્જાયેલ તંગદીલી દરમિયાન ટોળાને વિખેરવા અને અટકાયત કરતી વખતે ક્રાઈમ બ્રાન્ચ એએસઆઈને જાનથી મારી નાંખવાની ધમકી આપતા દલીત સમાજ આગેવાન ડી. ડી.સોલંકી સહિતના ટોળા સામે એ.ડિવિઝન પોલીસ મથકમાં ફરજમાં રુકાવટ, રાયોટીંગ સહિતની કલમ હેઠળ ગુનો નોંધાયો છે.
રાજકોટ ક્રાઈમ બ્રાન્ચમાં ફરજ બજાવતાં એએસઆઈ સંજયભાઈ દાફડાએ દિલીપ ધીરૂભાઇ સોલંકી ઉર્ફે ડી. ડી.સોલંકી, અશોકભાઈ સિંઘવ અને નરેશભાઈ ઉગાભાઈ બગડા અને રસ્તો બ્લોક કરનાર 15 થી 20 શખ્સો સામે એ ડિવિઝન પોલીસ સ્ટેશનમાં નોંધાવેલી ફરિયાદમાં જણાવ્યું હતું કે, ગઈકાલે રાતે 8 વાગ્યાથી તેઓ અને પોલીસ હેડ ક્વાટર્સ, એ ડીવીઝન, પ્રદ્યુમનનગર પોલીસ સ્ટેશન, યુનિ. પોલીસ સ્ટેશન, એસઓજી અને ડી.સી.બી. પોલીસ સ્ટેશન મથકનો સ્ટાફ સહિતના હોસ્પિટલ ચોક ખાતે બંદોબસ્તમા હાજર હતા આ બંદોબસ્ત યુની. પોલીસ મથક ખાતે ગઈ તા.15ના મર્ડરનો બનાવ બનેલ હોય તે બનાવમા મરણ જનાર ભાવેશભાઇ વાણવીની ડેડ બોડી હોસ્પિટલ ચોક ખાતે તેના સગા સંબંધી તેમજ તેમના સમાજના આગેવાનોએ રાખી દીધેલ હતી અને ડેડ બોડી સ્વીકારતા ન હતા તે અનુસંઘાને તકેદારીના ભાગ રૂપે રાખવામા આવેલ હતો. તેઓ ત્યા પહોચેલ ત્યારે માણસોનુ ટોળુ મરણ જનારની ડેડ બોડી સાથે હોસ્પિટલ ચોક ખાતે આવેલ ડો.બાબાસાહેબ આંબેડકરજીની પ્રતીમા પાસે બેસેલ હતા અને ત્યા હાજર દિલીપભાઇ સોલંકી ઉર્ફે ડી.ડી.સોલંકી, અશોકભાઇ સિંધવ, નરેશભાઇ ઉગાભાઇ બગડા ટોળાને ઉશ્કેરવા લાગેલ કે, આપણે ચક્કા જામ કરી દેવુ છે અને તમામ રોડ રસ્તાઓ બ્લોક કરી દેવાના છે.તે સાંભળી ટોળા પૈકીના આશરે 15 થી 20 માણસો હોસ્પિટલ ચોકના જાહેર રસ્તા ઉપર આવી ગયેલ અને અમુક માણસો રસ્તા ઉપર બેસી ટ્રાફીક જામ કરીને રસ્તો બ્લોક કરી સુત્રોચાર કરવા લાગેલ હતા.
ત્યા હાજર પોલીસ કર્મચારીઓ દ્વારા તેઓને વિખેરાઇ જવાનુ કહેવા છતા તેઓએ ગેર કાયદેસર મંડળી બનાવી રસ્તો બ્લોક રાખ્યો હતો ત્યા કોઇ અનઇચ્છનીય બનાવ બને નહી તેની તકેદારીના ભાગ રૂપે રોડ બ્લોક કરતા લોકોને ડીટેઇન કરવાની કર્યવાહી દરમ્યાન ડી.ડી.સોલંકી સહિતનાઓએ ધક્કો મારી નીચે પછાળી દીધેલ, તે દરમ્યાન આ લોકોને સમજાવતો હતો કે તમે પોલીસની કાયદેસરની ફરજમા રૂકાવટ કરશો નહી તેમજ જાહેર રસ્તો બ્લોક કરી અવરોધ ઉભો કરશો નહી નહીતર તમારા વિરૂદ્ધમાં કાયદેસરની કાર્યવાહી કરવામા આવશે તેમ છતા આ બધા માણસો જેમ ફાવે તેમ ભુંડા બોલી કહેવા લાગેલ કે, તમારા બધાના પટ્ટા ટોપી ઉતારી નાખીશુ, જેથી બીજા પોલીસ કર્મચારીઓએ જરૂરી હળવો બળપ્રયોગ કરી વાહનમા બેસાડયા હતા જે બાદ ડી.ડી.સોલંકી તેમજ બીજા અન્ય માણસોને સરકારી વાહનમા બેસાડી એ ડીવીઝન પોલીસ સ્ટેશન ખાતે લાવ્યા ત્યારે ડી.ડી.સોલંકીએ કહેલ કે, તુ ઘરે તો એકલો જ જશે ને ? રસ્તામા તને પતાવી દઈશુ તેમ કહી જાનથી મારી નાખવાની ધમકી આપી ફરજમાં રૂકાવટ કરી હતી. બનાવ અંગેની ફરીયાદ પરથી એ.ડિવિઝન પોલીસે ફરજમાં રૂકાવટ સહિતની કલમ હેઠળ ગુનો નોંધી કાયદેસરની કાર્યવાહી હાથ ધરી હતી.
