ગુજરાતનાં અનેક વિસ્તારોમાં એકાએક વાતાવરણ પલટો થતા ,ખેડૂતોમાં ચિંતાનું મોજું ફરી વળ્યું

પ્રિ-મોન્સૂનની શરૂઆત

સમગ્ર ગુજરાતમાં પ્રિ-મોન્સૂન એક્ટિવીટી શરૂ થતાં ભારે પવન સાથે સામાન્ય વરસાદ વરસતાં વાતાવરણમાં ઠંડક પ્રસરી જવા પામી હતી. જેમાં રાજ્યમાં પ્રિ-મોન્સૂન એક્ટિવીટી શરૂ થતાં ઠેર ઠેર હળવા વરસાદ ની શરૂઆત તહયી હતી. જો કે હજુ 48 કલાક ભારે પવન ફૂંકાવાની શકયતા સેવાઈ રહી છે . તેમજ સામાન્ય વરસાદ બાદ વાતાવરણમાં પ્રસરી ઠંડક પ્રસરી હતી. રાજ્યમાં પ્રિમોન્સૂન એક્ટિવીટી સક્રિય હોવાથી ભેજના પ્રમાણમાં સતત વધારો થઈ રહ્યો છે. રાજસ્થાનમાં ચોમાસુ ખેંચી લાવતી થર્મલ લો સિસ્ટમ રચાતા વાતાવરણમાં પલટો આવ્યો છે. પ્રિમોન્સૂન એક્ટિવીટીના ભાગરૂપે દક્ષિણ ગુજરાતમાં સહિત સમગ્ર રાજ્યના આકાશમાં વાદળ ઘેરાયા હતાં. અને સુરત,વલસાડ જેતપુર સહિત સમગ્ર રાજ્યમાં વહેલી સવારથી હળવો વરસાદ પડ્યો હતો.

જો કે વરસાદી વાતાવરણ ના કારણે અનેક શહેરોમાં હિલ સ્ટેશન જેવું વાતાવરણ થઈ ગયું હતું. આખો દિવસ ભારે પવનો ફુંકાયા બાદ મોડી રાત્રે શહેરના અનેક વિસ્તારોમાં વીજળીના ચમકારા મળ્યાં હતાં. તેમજ શહેરના અમુક વિસ્તારમાં વરસાદી ઝાપટું પણ પડ્યું હતું. જેના કારણે શહેરના રસ્તાઓ ભીના થઈ ગયાં હતાં. અને વાતાવરણમાં ઠંડક પ્રસરી ગઈ હતી. જેમાં સુરત, વલસાડ ,જેતપુર , અમદાવાદ, વગેરે શહેરોમાં વરસાદી ઝાપટા જોવા મળ્યા હતા.

બીજી તરફ આજે વહેલી સવારથી અલગ અલગ વિસ્તરોમાં વરસાદી ઝાપટા પડતા વાતાવરણ માં ઠંડક પ્રસરી હતી.. જેને લઈને સમગ્ર પંથકમાં ભારે ઠંડક પ્રસરી જવા પામી હતી. જેને લઈને કાળઝાળ ગરમીમાં બફાતા લોકોએ હાશકારો અનુભવ્યો હતો. તેમજ હાલ ભર ઉનાળે ચોમાસા જેવો માહોલ સર્જાયો છે. છેલ્લા ત્રણ દિવસોથી વાતાવરણમાં નાટ્યાત્મક રીતે બદલાવ આવતાં દિવસ દરમિયા ભારે પવન ફૂંકાયાં હતાં. આમ બનાસકાંઠાના આકાશમાં એકા એક વાદળો છવાતા ખેડૂતોમાં ચિંતાનો માહોલ પ્રસરી જવા પામ્યો છે.જો કે હજુ પણ 48 કલાક ભારે પવન ફુંકાવાની શક્યતાઓ સેવાઈ રહી છે.તો બીજી તરફ ખેડૂતો વાતાવરણ અચાનક પલટો આવતા ચિંતામાં મુકાયા છે.

ઉલ્લેખનીય છે કે, હવામાન વિભાગની આગાહી પ્રમાણે સુરત શેહર સહિત દક્ષિણ ગુજરાતમાં પ્રિમોન્સૂન એક્ટિવીટિનો પ્રારંભ થઈ ગયો છે. આમ રવિવારે વાતાવરણમાં આવેલા પલટાને કારણે સમગ્ર પંથકમાં ઠંડક પ્રસરતાં લોકોને ગરમી અને બફારામાંથી રાહત મળી હતી. હજુ પણ અગામી 48 કલાક સુધી ભારે પવન ફૂંકાવાની શકયતા વ્યક્ત કરવામાં આવી હતી.