સંપૂર્ણ પારિવારિક વાતાવરણમાં અને સુરક્ષિત રીતે બ્રહ્મ પરિવારોની બહેનો અને દીકરીઓ રમી શકે તેવું આયોજન
વય જૂથ પ્રમાણે બેસ્ટ પ્રિન્સ અને બેસ્ટ પ્રિન્સેસ તથા વેલડ્રેસ જેવા લાખેણા ઇનામો
- Advertisement -
ખાસ-ખબર સંવાદદાતા
સમસ્ત બ્રહ્મ સમાજ રાજકોટ દ્વારા પ્રતિવર્ષ એક દિવસીય બાય બાય નવરાત્રિનું ભવ્ય આયોજન થાય છે. આ વર્ષે બધા સભ્યોની લાગણીને માન આપી વેલકમ નવરાત્રિનું આગામી 13 ઓક્ટોબર, 2023ને શુક્રવારે સાંજે 7 થી 10 દરમિયાન બાલભવન, રાજકોટ ખાતે આયોજન કરવામાં આવ્યું છે. દર વર્ષે નવરાત્રિ મહોત્સવનું આયોજન બ્રહ્મ અગ્રણી કશ્યપ શુક્લ અને સમસ્ત બ્રહ્મસમાજના પ્રમુખ દર્શિતભાઇ જાનીના માર્ગદર્શન હેઠળ સમસ્ત બ્રહ્મસમાજની ટીમ દ્વારા કરવામાં આવે છે. કશ્યપ શુક્લે માહિતી આપતા કહ્યું છે માં જગદંબાની આરાધના સંપૂર્ણ પારિવારિક વાતાવરણમાં અને સુરક્ષિત રીતે બ્રહ્મ પરિવારોની બહેનો અને દીકરીઓ રમી શકે તે માટે અમે કટિબદ્ધ છીએ. આધુનિક સાઉન્ડ સિસ્ટમ અને ઉત્તમ ગાયકોની ટીમ આ માટે અમે રાખી છે. તેમજ યુવાવર્ગને ધ્યાને રાખી ઉત્તમ અલ્પાહારની વ્યવસ્થા પણ રાખવામાં આવી છે.
સમસ્ત બ્રહ્મ સમાજના પ્રમુખ દર્શિતભાઇ જાનીએ જણાવ્યું હતું કે, સતત 10મા વર્ષે અમારા સમાજના પરિવાર માટેનું બાલભવનના વિશાળ મેદાનમાં આયોજન કરીએ છીએ અને આમાં વિવિધ વય જૂથ પ્રમાણે બેસ્ટ પ્રિન્સ અને બેસ્ટ પ્રિન્સેસ તથા વેલડ્રેસ જેવા લાખેણાં ઇનામો આપવામાં આવી રહ્યા છે. અમારી સમગ્ર ટીમની વિવિધ સમિતિઓ બનાવી સુંદર રીતે આયોજન કરવામાં આવશે. અમારા આ આયોજનમાં બ્રહ્મસમાજના વિવિધ તળગોળના પ્રમુખ/મંત્રીઓની 5ણ એક સમિતિ બનાવી સમગ્ર સમાજ એક થઇ સાથે આ ઉત્સવ માણી શકે તેવું આયોજન કરવામાં આવશે.
