યુપીમાં હવામાન ફરી બદલાયું : અનેક ભાગોમાં ગાઢ ધુમ્મસ, પશ્ચિમમાં ભારે વરસાદ ભીતિ

એકાએક હવામાન પલ્ટો : અનેક ભાગોમાં ગાઢ ધુમ્મસ

યુપીમાં હવામાન ફરી એકવાર બદલાયું છે. આજે, રાજ્યનાં ઘણાં ભાગોમાં, દિવસની શરૂઆત ધુમ્મસથી થઈ હતી. બુધવારે લખનઉ સહિત રાજ્યનાં વિવિધ વિસ્તારોમાં વાદળોની હિલચાલ હતી જેને કારણે, તાપમાનમાં થોડો ઘટાડો થવાની સંભાવના છે. હવામાન વિભાગે મોસમ બદલવા પાછળ દક્ષિણ હરિયાણા પર વિકસિત ચક્રવાતને ગણાવ્યું છે.

હવામાન વિભાગે જણાવ્યું કે, ફેબ્રુઆરીની શરૂઆતમાં વરસાદ થઈ શકે છે. 1 ફેબ્રુઆરીથી પશ્ચિમી લો પ્રેશર પશ્ચિમી યુપીમાં વરસાદ લાવશે. હાલમાં તેની સ્થિતિ પશ્ચિમ અફઘાનિસ્તાન ઉપર નોંધાઈ રહી છે. તે જ સમયે, 3 ફેબ્રુઆરીથી 6 ફેબ્રુઆરી સુધી સમગ્ર યુપીમાં મધ્યમ વરસાદ પડવાની સંભાવના છે. આ વર્ષે અત્યાર સુધીની સૌથી શક્તિશાળી ચક્રવાત હશે, જે અરબી સમુદ્ર અને બંગાળની ખાડીથી પૂર્વથી પશ્ચિમમાં ત્રણ દિવસ સુધી વરસાદ લાવશે. હવામાન વિભાગે આજે રાજ્યનાં 24 જિલ્લાઓમાં ગાઢ ધુમ્મસની ચેતવણી જારી કરી છે. બુધવારે મોટાભાગનાં વિસ્તારોમાં વાદળોની હિલચાલ હતી. તેરાઇ વિસ્તારોમાં બે દિવસ માટે ગાઢ ધુમ્મસ રહેશે.

ઝોનલ હવામાન કેન્દ્ર લખનૌના વરિષ્ઠ વૈજ્ઞાનિક અતુલ કુમાર સિંહ કહે છે કે, 1 ફેબ્રુઆરીના રોજ પશ્ચિમી લો પ્રેશરને કારણે રાજ્યભરમાં 3 થી 6 ફેબ્રુઆરી સુધી મધ્યમ વરસાદ આવશે.