પકડાયેલ લોકોની રાષ્ટ્રીયતા જાહેર નથી થઈ
અમેરિકામાં ડોનાલ્ડ ટ્રમ્પ સત્તામાં આવ્યા તે પહેલેથી જ ગેરકાયદે ઈમિગ્રન્ટ્સને અમેરિકામાંથી હાંકી કાઢવાની વાત કરતા રહ્યા હતા અને સત્તામાં આવ્યા બાદ તો તેમણે ક્રિમિનલ અને નોન-ક્રિમિનલ બંને પ્રકારના અમેરિકામાં ગેરકાયદે રહેતા લોકો સામે રીતસરનો સપાટો બોલાવવાનું શરૂ કરી દીધું છે. તેમ છતાં લોકો ગેરકાયદે અમેરિકા જવાનું બંધ નથી કરી રહ્યા.
- Advertisement -
ટ્રમ્પે અમેરિકામાં ઘુસણખોરી થતી અટકાવવા માટે મેક્સિકો બોર્ડર પર સુરક્ષા વ્યવસ્થા ચુસ્ત કરવાની સાથે દરિયાના માર્ગને સુરક્ષિત કરવા કોસ્ટ ગાર્ડને પણ સતર્ક રહેવા જણાવ્યું છે. ત્યારે યુએસ કોસ્ટ ગાર્ડ (USCG)એ કેલિફોર્નિયાના સાન ડિઆગોમાં પોઈન્ટ લામાના કાંઠાથી દરિયામાં 20 માઈલ અંદરથી એક બોટમાં સવાર 21 ગેરકાયદે ઈમિગ્રન્ટ્સની ધરપકડ કરી છે અને તેમને યુએસ કસ્ટમ્સ એન્ડ બોર્ડર પ્રોટેક્શન (CBP)ને સોંપી દેવામાં આવ્યા છે.
પકડાયેલા લોકોની નેશનાલિટી અંગે અધિકારીઓએ કોઈ માહિતી જાહેર કરી નથી. આ પહેલા જાન્યઆરી 25એ સાન ડિઆગોમાંથી 9 ગેરકાયદે ઈમિગ્રન્ટ્સને લઈ જતી બોટને મિલેટ્રીએ પકડી હતી. જ્યારે ગત 2 ફેબ્રુઆરીએ પણ 16 ગેરકાયદે ઈમિગ્રન્ટ્સ સાથેની બોટ પકડાઈ હતી. આ બંને બોટ કેલિફોર્નિયાના દરિયામાંથી જ પકડાઈ હતી. ટ્રમ્પે સત્તા સંભાળ્યા બાદ દરિયાના રસ્તે થતી ઘુસણખોરીમાં મોટો ઘટાડો આવ્યો છે. ટ્રમ્પના ઓવેલ ઓફિસમાં પહેલા એક મહિના દરમિયાન કોસ્ટગાર્ડે માત્ર 8,326 ગેરકાયદે ઈમિગ્રન્ટ્સ પકડ્યા છે. ટ્રમ્પે પોતાના સોશિયલ મીડિયા પ્લેટફોર્મ ટ્રુથ સોશિયલ પર પોતાના એડમિનિસ્ટ્રેશનની પીઠ થાબડતા શનિવારે લખ્યું હતું કે, ટ્રમ્પ એડમિનિસ્ટ્રેશનની પોલિસીઝ કારણે ગેરકાયદે ઈમિગ્રન્ટ્સ માટે બોર્ડર ક્લોઝ થઈ ગઈ છે.
સાથે જ તેમણે ચેતવણી આપી હતી કે, જે પણ અમેરિકામાં ગેરકાયદે પ્રવેશવાનો પ્રયાસ કરાશે તેની સામે કડક કાર્યવાહી કરાશે અને તાત્કાલીક ડિપોર્ટ કરી દેવાશે.
- Advertisement -
