શું શપથ પહેલાં જશે જેલમાં?: ટ્રમ્પે કહ્યું- આ રાજકીય હુમલો
ખાસ-ખબર ન્યૂઝ નવી દિલ્હી
- Advertisement -
અમેરિકાના નવા ચૂંટાયેલા રાષ્ટ્રપતિ ડોનાલ્ડ ટ્રમ્પ તેમના શપથ ગ્રહણ પહેલા એક નવી મુશ્કેલીનો સામનો કરી રહ્યા છે. ગઢઝ અનુસાર, પોર્ન સ્ટાર સ્ટોર્મી ડેનિયલ્સને મોઢું બંધ રાખવા માટે પૈસા ચૂકવવાના કેસમાં ટ્રમ્પને 10 જાન્યુઆરીએ સજા સંભળાવવામાં આવશે. શુક્રવારે, આ કેસના જજ જુઆન માર્કોને કહ્યું કે ટ્રમ્પ સજા સંભળાવતી વખતે વ્યક્તિગત રીતે અથવા વર્ચ્યુઅલ રીતે કોર્ટમાં હાજર થઈ શકે છે. ગયા વર્ષે મે મહિનામાં મેનહટન કોર્ટે ટ્રમ્પ સામે 34 આરોપો ઘડ્યા હતા, જેમાં પોર્ન સ્ટાર સ્ટોર્મી ડેનિયલ્સને મોઢું બંધ રાખવા માટે પૈસા આપવાનો આરોપ પણ સામેલ છે. આ પૈસા એટલા માટે આપવામાં આવ્યા હતા કે સ્ટોર્મી ટ્રમ્પ સાથેના તેના સેક્સુઅલ રિલેશનને જાહેર ન કરે.
ટ્રમ્પે જુઆન માર્ચેનને કટ્ટરપંથી પક્ષપાતી ગણાવ્યા અને કહ્યું-આ એક ગેરકાયદેસર રાજકીય હુમલો અને છેતરપિંડી સિવાય બીજું કંઈ નથી. આ આપણા બંધારણની વિરુદ્ધ છે. ટ્રમ્પના પ્રવક્તા સ્ટીવન ચ્યુંગે આ નિર્ણયની નિંદા કરતા કહ્યું કે તે સુપ્રીમ કોર્ટના ઇમ્યુનિટી ડિસીજન અને કાયદાશાસ્ત્રનું સીધું ઉલ્લંઘન છે. આ ગેરકાયદે મામલો ક્યારેય કોર્ટમાં લાવવામાં આવ્યો ન હતો. બંધારણની માંગ છે કે તેને તાત્કાલિક ફગાવી દેવી જોઈએ.
ચ્યુંગે કહ્યું કે આ કેસમાં કોઈ સજા થવી જોઈએ નહીં. રાષ્ટ્રપતિ ટ્રમ્પ આ છેતરપિંડીઓ સામે લડવાનું ચાલુ રાખશે જ્યાં સુધી તે પૂર્ણ ન થાય.
મીડિયા રિપોર્ટ્સ અનુસાર, જજ જુઆન માર્ચેનનું કહેવું છે કે શપથ લીધા બાદ ટ્રમ્પને રાષ્ટ્રપતિ પદથી મુક્ત કરવામાં આવશે. આથી કોર્ટ આ કેસમાં 20 જાન્યુઆરી પહેલા સજા સંભળાવે તે જરૂરી છે. માર્ચેને કહ્યું કે ટ્રમ્પ દોષિત ઠરે તો પણ તેમને કોઈ કાયદાકીય સજાનો સામનો કરવો પડશે નહીં. આ મામલો લગભગ પુરો થઈ ગયો છે.
