GTPL-ડેન-હેથ વૅ-ઈન કેબલ નેટવર્ક પર સ્ટાર પ્લસ, સોની ટીવી, ઝી ટીવી, સોની સબ, સ્ટાર ક્રિકેટ, । ટીવીનું પ્રસારણ બંધ થયું
ઓપરેટરો અને બ્રોડકાસ્ટર્સ વચ્ચેની લડાઈનાં કારણે ગ્રાહકો પોતાનાં મનપસંદ શૉ વિહોણા રહ્યા
- Advertisement -
GTPL, ડેન, ઈન કેબલ અને હેથ વૅ કેબલ નેટવર્કનો ભાવ વધારા સામે વિરોધ
ખાસ-ખબર સંવાદદાતા
ટીવી જોવાના શોખીનો માટે માઠા સમાચાર આવ્યા છે. ટેલિકોમ રેગ્યુલેટરી ઓફ ઈન્ડિયાએ ટીવી ચેનલોના ટેરીફમાં 40 ટકા સુધીનો વધારો કરતા કેબલ ઓપરેટરોએ તેનો વિરોધ કર્યો છે. ચેનલના ભાવમાં વધારો થતા જીટીપીએલ, ડેન, ઈન કેબલ અને હેથ વે કેબલ નેટવર્કે તેનો ભારે વિરોધ કર્યો છે. જેને લઈને આ તમામ કેબલ નેટવર્ક પર હાલ સ્ટાર, સોની અને ઝી કંપનીની ચેનલોનું પ્રસારણ બંધ કરી દેવામાં આવ્યું છે.
આજ સવારથી જ સોની, સ્ટાર અને ઝીની ચેનલોનું પ્રસારણ બંધ કરી દેતા મહિલાઓ, બાળકો અકળાયા હતા. ટીવી ચાલુ કરતા અચાનક જ ચેનલનું પ્રસારણ બંધ થતા મનપસંદ શોથી અળગા રહ્યા હતા. ટેલિકોમ રેગ્યુલેટરીએ તોતિંગ ભાવ વધારો ઝીંકી દેતા કેબલ ઓપરેટરો તેનો વિરોધ કરી રહ્યા છે. જીટીપીએલ, ડેન, ઈન કેબલ અને હેથવેએ ગ્રાહકો જોગ એક સંદેશો પણ પાઠવ્યો છે. જેમાં તેમણે જણાવ્યું છે કે, અમે ભાવ વધારાનો વિરોધ કરી રહ્યા છે. તેથી અમારા પ્લેટફોર્મ પર આવતી આપની મનપસંદ ચેનલનું પ્રસારણ બ્રોડકાસ્ટર બંધ કરી શકે છે. અમે ગ્રાહકોના હિતનું રક્ષણ કરવાનો નિર્ણય લીધો છે.
ટ્રાઈ (ટેલિકોમ રેગ્યુલેટરી ઓથોરિટી ઓફ ઈન્ડિયા)એ ચેનલ અને બ્રોડકાસ્ટરો માટે નવા ટેરિફ જાહેર કરાયા હતા. ટ્રાઈએ તમામ પે ચેનલોના એમઆરપીમાં 40 ટકાનો વધારો નક્કી કર્યો છેં. જેને લઈને હાલ ચાર મોટા એમએસઓ (મલ્ટી સિસ્ટમ ઓપરેટર) જીટીપીએલ, ડેન, ઈન કેબલ અને સિટી કેબલ પર સૌથી વધુ ટીઆરપી ધરાવતી ચેનલોનું પ્રસાણ બંધ થઈ ચૂક્યું છે.
