રાજુલા પંથકમાં ગાજવીજ સાથે ધોધમાર વરસાદ વરસ્યો

ખાસ-ખબર ન્યૂઝ રાજુલા

હવામાન વિભાગની આગાહીના પગલે રાજુલા પંથકમાં બપોર બાદ અચાનક વાતાવરણમાં પલટો આવ્યો હતો. રાજુલા શહેરમાં બપોરથી જ વાદળછાયું વાતાવરણ સર્જાયું હતું. જે બાદ ગાજવીજ સાથે ધોધમાર વરસાદનું આગમન થયું હતું. રાજુલા શહેર સહિત ગ્રામ્ય વિસ્તારોમાં ધોધમાર વરસાદ પડ્યો હતો. છતડીયા, હિંડોરણા, નવી-જુની માંડરડી, જાપોદર, સમુહખેતી સહિત આસપાસના ગામોમાં ધોધમાર વરસાદ પડ્યો હતો. રાજુલા શહેરમાં ધોધમાર વરસાદ વરસ્યો હતો. અને વરસાદના પાણી રોડ પર વહેતા થયા હતાં.

અસહ્ય ગરમી બાદ વાતાવરણમાં ઠંડક પ્રસરી હતી. આ બાબતે રાજુલાના ખેડૂત આગેવાન રમેશભાઈ વસોયાએ જણાવેલ કે, રાજુલા તાલુકામાં સારો વરસાદ વરસ્યો હતો. વરસાદ પડતા કૂવા, બોર વગેરેનું જળસ્તર ઉંચુ આવશે. આગામી શીયાળુ- ઉનાળુ પાકમાં ખેડૂતોને ફાયદો થશે.