ખાસ-ખબર ન્યૂઝ રાજકોટ
રાજકોટમાં માદક પદાર્થોનો ગેરકાયદેસર વ્યાપાર અટકાવવા બાબતેના 1988ના કાયદા હેઠળ એક સાથે ત્રણ ડ્રગ્સ પેડલરને પીઆઇટી એનડીપીએસ એકટ હેઠળ ડીટેઇન કરવાની કાર્યવાહી પોલીસ કમિશનર બ્રજેશકુમાર ઝાની રાહબરીમાં શહેર એસઓજીએ કરીને સપાટો બોલાવી દીધો છે. મહિલા ડ્રગ્સ પેડલર સહિત ત્રણને આ કાયદા હેઠળ જેલહવાલે કરી દેવામાં આવતાં ડ્રગ્સની હેરાફેરી કરનારાઓમાં ફફડાટ ફેલાઇ ગયો છે.
- Advertisement -
શહેર વિસ્તારમાં અગાઉ ગેરકાયદેસર માદક પદાર્થના જથ્થા સાથે પકડાયેલ ઇસમો વિરૂધ્ધ પીઆઇટી એનડીપીએસ કાયદા હેઠળ દરખાસ્તો તૈયાર કરી મોકલવા પોલીસ કમિશનર બ્રજેશકુમાર ઝા, જેસીપી મહેન્દ્ર બગડીયા, ડીસપી ડો. પાર્થરાજસિંહ ગોહિલ, એસીપી ભરત બી. બસીયાએ સુચના તેમજ માર્ગદર્શન આપતાં તેમજ અધિક પોલીસ મહાનિદેશક સીઆઇડી ક્રાઇમ અને રેલ્વેઝ ગુજરાત રાજ્ય ગાંધીનગર દ્વારા આ કાર્યવાહી કરવા ડ્રાઇવ રખાઇ હોઇ શહેર એસઓજીએ દરખાસ્ત કરી રજૂ કરતાં રાજકોટના ત્રણ ડ્રગ્સ પેડલરને પીઆઇટી એનડીપીએસ હેઠળ હિંમતનગર સાબરકાંઠા, બનાસકાંઠા, મહેસાણા જેલમાં મોકલી દેવાયા છે. જેની સામે કાર્યવાહી થઈ તેમાં રૈયાધારમાં રહેતી સુધા સુનીલભાઇ ધામેલીયા ઉ.40ને સબ જેલ હિંમતનગર, સાબરકાંઠા ખાતે મોકલાઇ છે. જ્યારે નહેરુનગરમાં રહેતા ચેતન ઉર્ફે મહાદેવ ભરતભાઇ સમેચા ઉ.21ને જીલ્લા જેલ પાલનપુર બનાસકાંઠા ખાતે મોકલવામા઼ આવ્યો છે તેમજ પ્રજાપતિ સોસાયટીમાં રહેતો અંકુર ઉર્ફે બાડો કીરીટભાઇ સંચાણીયા ઉ.27ને મહેસાણા જેલમાં ધકેલાયો છે. આ ત્રણેય માદક પદાર્થને લગતાં ગુનાઓમાં સંડોવાયા હતાં. આ કામગીરી પીઆઇ સંજયસિંહ એમ. જાડેજા, પીએસઆઇ વી.વી.ધ્રાંગુ, એએઅસાઇ વિરેન્દ્રસિંહ ઝાલા, પીસીબી પીઆઇ એમ.આર.ગોંડલીયા, હેડકોન્સ. રાજુભાઇ દહેકવાડ તથા ઇન્દ્રજીતસિંહ સીસોદીયા તથા સીઆઇડી ક્રાઇમ ગાંધીનગરના કોન્સ પારસભાઈ ટાંક દ્વારા કરવામાં આવી હતી.
