આરોપી તેની જ સ્કૂલના 6ઠ્ઠા-7મા ધોરણના વિદ્યાર્થી, પુરાવાનો નાશ કરવા લાશ કેનાલમાં ફેંકી દીધી
ખાસ-ખબર ન્યૂઝ નવી દિલ્હી, તા.12
- Advertisement -
આંધ્રપ્રદેશના નંદ્યાલ જિલ્લામાં ત્રીજા ધોરણમાં ભણતી વિદ્યાર્થિની પર ગેંગરેપ અને હત્યાનો મામલો સામે આવ્યો છે. પોલીસે ગર્લ્સ સ્કૂલની ત્રણ સગીર વિદ્યાર્થીઓને આરોપી બનાવ્યા છે. વિદ્યાર્થીઓએ ગેંગરેપ બાદ બાળકીની હત્યા કરી હતી. પુરાવાનો નાશ કરવા લાશને કેનાલમાં ફેંકી દીધી હતી. હજુ સુધી લાશ મળી નથી. ત્રીજા ધોરણમાં ભણતી બાળકી 8 વર્ષની હતી. તેમજ, આરોપી બે છોકરાઓની ઉંમર 12 વર્ષ છે. બંને છઠ્ઠા ધોરણમાં ભણે છે. ત્રીજા આરોપીની ઉંમર 13 વર્ષ છે, તે સાતમા ધોરણમાં અભ્યાસ કરે છે.
પોલીસના જણાવ્યા અનુસાર આ ઘટના રવિવારે (7 જુલાઈ) સાંજે બની હોવાનું કહેવાય છે. ઘટના સમયે બાળકી પગડીયાલા ખાતે પાર્કમાં રમી રહી હતી. આ દરમિયાન આરોપી વિદ્યાર્થીઓ તેને રમવાના બહાને નિર્જન સ્થળે લઈ ગયા અને તેના પર ગેંગરેપ કર્યો. બાળકી તેના માતા-પિતાને આ ઘટના વિશે કહેશે તેવા ડરથી આરોપી બાળકોએ તેની હત્યા કરી લાશને નજીકની કેનાલમાં ફેંકી દીધી હતી અને ઘટનાસ્થળેથી ફરાર થઈ ગયા હતા.
પોલીસે કૃષ્ણા નદીના પાછળના પાણીમાં સર્ચ ઓપરેશન હાથ ધર્યું હતું. પોલીસે જણાવ્યું કે યુવતી 7 જુલાઈથી ગુમ હતી. તે ઘર પાસેના પાર્કમાં રમવા ગઈ હતી, પરંતુ ઘણો સમય થવા છતાં પરત આવી નહી. માતા-પિતાએ ઘણી વાર સુધી શોધખોળ કરી, પરંતુ તે મળી નહીં. બાદમાં તેમણે પોલીસમાં ફરિયાદ નોંધાવી હતી.
- Advertisement -
શરૂઆતમાં પોલીસને પણ આરોપી વિશે ખબર નહોતી. આ પછી 9મી જુલાઈએ સ્નિફર ડોગ્સની મદદ લેવામાં આવી હતી. ગામમાં રહેતા 3 સગીર છોકરાઓમાં અસામાન્ય વર્તન જોવા મળ્યું હતું. ત્રણ આરોપીઓમાંથી એક છોકરાએ ગુનો કબૂલી લીધો હતો. આ પછી અન્ય બે લોકોની પણ ધરપકડ કરવામાં આવી હતી.
સૂત્રોના જણાવ્યા અનુસાર, પોલીસને સુશોભનની વસ્તુઓ પણ મળી આવી છે. આવી વસ્તુઓનો ઉપયોગ સામાન્ય રીતે પૂજા અથવા કેટલીક ધાર્મિક વિધિઓમાં કરવામાં આવે છે. હવે પોલીસ તાંત્રિક વિધીના એંગલથી પણ તપાસ કરી રહી છે.
આ દરમિયાન નંદ્યાલના સાંસદ ડોક્ટર બાયરેડી શબરી પણ ઘટનાસ્થળે પહોંચી ગયા હતા અને પોલીસને કડક કાર્યવાહી કરવાની સૂચના આપી હતી. સ્થાનિક ધારાસભ્ય જી જયસૂર્યા પણ હાજર હતા. એસપી રઘુવીર રેડ્ડીએ કહ્યું કે જ્યાં સુધી બાળકીનો મૃતદેહ નહીં મળે ત્યાં સુધી સર્ચ ઓપરેશન ચાલુ રહેશે. આ માટે જઉછઋની ટીમો પણ તહેનાત કરવામાં આવી છે.
