તમારો સ્માર્ટ ફોન અને તમારી આંખ વચ્ચે આટલું અંતર હોવું જોઈએ

સ્માર્ટફોન વિના જીવનની કલ્પના કરવી લગભગ અશક્ય બની ગયું છે. તે આપણા જીવનનો આવશ્યક ભાગ બની ગયો છે. અમે ફોન પર કામ કરીએ છીએ, ગેમ્સ રમીએ છીએ અથવા સોશિયલ મીડિયા બ્રાઉઝ કરીએ છીએ. પરંતુ ફોનના વધુ પડતા ઉપયોગથી આપણી આંખોની રોશની પર ખરાબ અસર પડે છે.

અત્યાર સુધીમાં તમે કદાચ જાણતા હશો કે, લાંબા સમય સુધી સ્ક્રીનની સામે રહેવાથી તમારી આંખો પર તાણ આવી શકે છે. જો કે, આધુનિક જીવનશૈલીમાં, સ્માર્ટફોન પર નજર રાખવાનું ટાળવું સરળ નથી. પણ ટેન્શન ન લો. કારણ કે કેટલાક સરળ ઉપાયો તમને સ્ક્રીનની સામે તમારી આંખોની રોશની તાજી રાખવામાં મદદ કરશે.

પર્યાપ્ત અંતર જાળવો
► સ્માર્ટફોન સ્ક્રીનથી આંખનું સાચું અંતર સામાન્ય રીતે 16 થી 24 ઇંચ (40 થી 60 સેન્ટિમીટર)ની વચ્ચે રાખવી જોઈએ.
► આંખોને તણાવથી બચાવવા અને આંખની તંદુરસ્તી જાળવવા માટે આ અંતર જરૂરી છે.
► આ સિવાય સ્ક્રીનની બ્રાઈટનેસ અને કોન્ટ્રાસ્ટને યોગ્ય સ્તરે સેટ કરવા અને બ્રેક લીધા પછી ફોનનો ઉપયોગ કરવાથી આંખોને આરામ મળે છે.

20-20-20 નો નિયમ શું છે?
ફોન અથવા કોઈપણ સ્ક્રીન ઉપકરણનો ઉપયોગ કરતી વખતે અથવા જોતી વખતે ફોર્મ્યુલા અપનાવવાથી તમારી આંખોને રાહત મળી શકે છે. આ સૂત્રને 20-20-20 કહેવામાં આવે છે. 20-20-20 નિયમ એ તમારી આંખના સ્વાસ્થ્યની કાળજી લેવાની એક સરળ પણ અસરકારક રીત છે.

આ નિયમ અનુસાર, દર 20 મિનિટે તમારે 20 સેક્ધડ માટે 20 ફૂટ દૂરની કોઈ વસ્તુને જોવી જોઈએ. તે તમારી આંખોને આરામ આપે છે અને ડિજિટલ આંખનો તાણ ઘટાડે છે.