એક બિઝનેસમેને દીકરીના લગ્ન માટે સોનાની સાડી બનાવડાવી છે. તેલંગણના સિરસિલા શહેરના હાથ વણાટના કારીગર નલ્લા વિજયકુમારે આ સાડી બનાવીને સાડી બનાવવાનો સુવર્ણ ઇતિહાસ રચ્યો છે. 49 ઇંચ પહોળી અને સાડાપાંચ મીટર લાંબી સાડીમાં 200 ગ્રામ શુધ્ધ સોનુ વપરાયું છે.
900 ગ્રામ વજનની સોનાની સાડીની કિંમત 18 લાખ રૂપિયા છે. હાથવણાટ કરતા કારીગરો માટે સિરસિલા શહેર જાણીતું છે. નલ્લા વિજયકુમારે કહ્યું કે સોનાના પાતળા દોરા બનાવવામાં ઘણો સમય લાગે છે. કારણ કે આ કામ માટે ઝીણવટપૂર્વકની તકેદારી અને ચોકસાઇ રાખવાનું ખૂબ અગત્યનું હોય છે.
- Advertisement -
સોનાના દોરા બની જાય પછી 10 થી 12 દિવસમાં સાડી વણવાનું શરુ થાય છે. નલ્લા વિજયકુમારને સોનાની સાડી વણવાનું કામ મળ્યું એનો બહુ આનંદ છે. તે કહે છે કે આ મારે માટે સન્માન મળ્યા જેવું છે. 17 ઓક્ટોબરે લગ્નના દિવસે સાડી આપવામાં આવશે.
