ઓલવાણ ગામની સીમમાં ફાયરિંગ કરી મર્ડર કરનાર આરોપીને હથિયાર તથા જીવતા ચાર કાર્ટીસ સાથે પકડી પાડતી LCB
મહેતાજી સાથે અવારનવાર ટ્રેક્ટરનો હિસાબ બાબતે માથાકૂટ મનદુ:ખમાં પરિણમી અને ગોળી ધરબી દીધી
- Advertisement -
ખાસ-ખબર ન્યૂઝ સોમનાથ, તા.9
ગઇ તા.06/04/2024 ના રાત્રીના નવાબંદર ના ઓલવાણ ગામે વાડી વિસ્તારના રહેણાંક મકાનેથી ભુપતભાઇ રાજશીભાઇ રામ આહીર રહે ઓલવાણ વાળા પર ફાયરીંગ કરી છાતીમાં ગોલી ધરબી હત્યા કરવામાં આવી હતી.જેનો ગુન્હો નોંધી એલ.સી.બી.ગીરસોમનાથના ,પેરોલ ફર્લો સ્ટાફ તથા નવાબંદર મરીન પોલિસ સર્વેલન્સ સ્કોડની અલગ અલગ ટીમો દ્વારા આ બનાવની તપાસ કરી જેમાં ક્રાઇમ સીનની તપાસ કરતા ભુપતભાઇને કોઇ સાથે જુની દુશ્મની હોય તે બાબતે શકદારોની તપાસ કરતા ખાનગી બાતમી હકીકત આધારે શકદાર ભીમાભાઇ ઉર્ફે ભીમા કરશનભાઇ ટાપરીયા ગઢવીને ઉના ખાતે તેના રહેણાંક મકાનેથી ગુન્હામાં વાપરેલ હથિયાર દેશી પીસ્ટલ તથા જીવતા ચાર કાર્ટીસ જેવા જીવલેણ હથિયાર સાથે રાઉન્ડ અપ કરી યુકતી પ્રયુકિતથી પુછપરછ કરતા કબુલાત આપેલ કે પોતે ઓલવાણ ગામે ભુપતભાઇની જમીનમાં આવેલ પથ્થરની ખાણમાં મેતાજી તરીકે નોકરી કરતો હોય અને એકાદા માસ પહેલા ખાણ પુરી થતા છુટો કરેલ હોય આ ભુપતભાઇ તે પથ્થરની ખાણમાં ભાગીદાર હોય પથ્થરની ખાણ શરૂ હતી
તે દરમ્યાન ભુપતભાઇ હસ્તક પથ્થરની ખાણ માંથી પથ્થર ભરવા માટે ટ્રેકટર આવતા હોય ત્યારે ભીમાભાઇ ઉર્ફે ભીમાને તથા ભુપતભાઈ ને અવાર નવાર ટ્રેકટર ભરવાના વારા બાબતે તથા પથ્થરની ખાણના હીસાબ બાબતે બોલાચાલી તથા ગાળાગાળી થતી હતી તે મનદુ:ખ રાખી ભુપતભાઇ ને ફોન કરી તેની વાડીએ ભુપતભાઇ એકલા હોય ત્યારે તેની વાડીએ ગયેલ અને વાડીના રહેણાંક મકાને રૂમ ઓફીસ બનાવેલ હોય ત્યાં જઇ છાતીના ભાગે દેશી પીસ્ટલથી એક રાઉન્ડ ફાયર કરી મર્ડર કરી નાસી ગયો હતો. નવાબંદર મરીન પો.સ્ટે.ની ટીમ દ્વારા પકડી પાડી પુંછપરછ કરતા મર્ડર કરેલાની કબુલાત આપતાકાયદેસર કાર્યવાહી કરવામાં આવેલ છે.
- Advertisement -
તેની પાસેથી દેશી પીસ્ટલ નંગ-1 કી.રૂ.25,000/-, જીવતા કાર્ટીસ નંગ-4 કી.રૂ.400/-બાઇક સહિત કુલ 35400 નો.મુદ્દામાલ કબ્જે કરેલ હતો.ભિમાભાઇ રીઢા ગુનેગાર છે તેના પર પોરબંદર, જામનગર,કચ્છ , ઉના ગિરગઢડા વગેરે સહીત 7 ગુન્હાઓ નોંધાયેલ છે.1999માં ફુલક ગામે થયેલ મર્ડરમાં સામેલ હતો તેમ પોલીસ એ જણાવ્યું છે.
