જો મિશન સફળ રહેશે તો નાસા પાસે પ્રથમ વખત 2 અવકાશયાન હશે
ખાસ-ખબર ન્યૂઝ વોશિંગ્ટન, તા.3
- Advertisement -
ભારતીય મૂળના અવકાશયાત્રીઓ સુનીતા વિલિયમ્સ અને બૂચ વિલ્મોરને આંતરરાષ્ટ્રીય અવકાશ સ્ટેશન પર લઈ જતું બોઈંગનું સ્ટારલાઈનર મિશન બીજી વખત મોકૂફ રાખવામાં આવ્યું હતું. તે આજે રાત્રે 9:55 કલાકે ફ્લોરિડામાં કેપ કેનાવેરલ સ્પેસ ફોર્સ સ્ટેશનથી ઞકઅ ના એટલાસ વી રોકેટ પર લોન્ચ થવાનું હતું. ગ્રાઉન્ડ લોંચ સિક્વન્સરે લિફ્ટઓફની 3 મિનિટ 50 સેક્ધડ પહેલાં કાઉન્ટડાઉન ઘડિયાળને આપમેળે હોલ્ડ કરી દીધી હતી. એન્જિનિયરો હવે એ જાણવાનો પ્રયાસ કરી રહ્યા છે કે શા માટે ગ્રાઉન્ડ લોન્ચ સિક્વન્સરે મિશનને ઑટોમેટિક રીતે રોકી દીધું.
હવે આ મિશન 2 જૂને લોન્ચ થઈ શકે છે. અગાઉ 7 મેના રોજ પણ આ મિશનને રોકવું પડ્યું હતું. તપાસ દરમિયાન, એન્જિનિયરોને રોકેટના બીજા તબક્કામાં ઓક્સિજન રાહત વાલ્વમાં સમસ્યા જોવા મળી. આવી સ્થિતિમાં, ટીમે લોન્ચના 2 કલાક અને 1 મિનિટ પહેલા મિશનને સ્થગિત કરવાનો નિર્ણય લીધો હતો. જો આ મિશન સફળ થશે તો ઈતિહાસમાં પ્રથમ વખત અમેરિકા પાસે અવકાશયાત્રીઓને અવકાશમાં મોકલવા માટે બે અવકાશયાન હશે. હાલમાં અમેરિકા પાસે માત્ર ઈલોન મસ્કની કંપની સ્પેસએક્સનું ડ્રેગન અવકાશયાન છે. 2014માં નાસાએ સ્પેસક્રાફ્ટ બનાવવા માટે સ્પેસએક્સ અને બોઈંગને કોન્ટ્રાક્ટ આપ્યો હતો. જાફભયડ તેને 4 વર્ષ પહેલા જ બનાવી ચૂક્યું છે.
