ટેસ્લાનું સૌથી સસ્તું મોડલ, જેની કિંમત રૂ.20 લાખ જેવી હશે તે જર્મનીમાં લોન્ચ કરાયા બાદ ભારતમાં પણ લોન્ચ કરવામાં આવશે
ખાસ-ખબર સંવાદદાતા
ટેસ્લાનું સૌથી સસ્તું મોડલ, જેની કિંમત રૂ. 20 લાખ જેવી હશે તે જર્મનીમાં લોન્ચ કરાયા બાદ ભારતમાં પણ લોન્ચ કરવામાં આવશે તેમ સુત્રોએ જણાવ્યું હતું. કંપ્નીની યોજનાઓ સાથે સંકળાયેલા સૂત્રોના જણાવ્યા મુજબ, અત્યારે પ્રોડક્ટ ડેવલપમેન્ટની યોજનાઓ ચાલી રહી છે. આ ઇલેક્ટ્રિક કાર બે-દરવાજાની એસયુવી અથવા સેડાન હશે. આ અનામી કાર ટેસ્લાની સૌથી વધુ સસ્તું મોડેલ હશે જે યુરોપમાં લોન્ચ કરવામાં આવશે, ત્યારબાદ ભારતમાં. આ કાર ગુજરાતમાં બને તેવી સંભાવના છે.
ટેસ્લાએ જર્મનીમાં બ્રાન્ડેનબર્ગ ખાતે ગીગાફેક્ટરી સ્થાપવા માટે 5 બિલિયન ડોલરનું રોકાણ કર્યું છે, જે યુરોપમાં તેની પ્રથમ સુવિધા છે. યુએસ સ્થિત ઈવી નિમર્તિા તે પ્લાન્ટમાં મોડલ વાય ક્રોસઓવર બનાવે છે. આ પ્લાન્ટની ક્ષમતા વાર્ષિક 1 મિલિયન યુનિટ્સ સુધી વિસ્તરણ કરવા કંપ્નીની યોજના છે. કંપ્ની મધ્યમ ગાળામાં આ પ્લાન્ટમાંથી વીસ લાખ રૂપિયાની કિમતની સસ્તી કારને બહાર પાડવા માટે પણ તૈયારી કરી રહી છે.
ટેસ્લા અને અન્ય ઈવી નિમર્તિાઓએ સરકાર દ્વારા જાહેર કરાયેલા ભારતની નવી ઈવી નીતિના શ્રેષ્ઠ પ્રોત્સાહનો મેળવવા માટે ભારતમાં જ કારનું ઉત્પાદન કરવું પડી શકે છે. મોડલ વાય ભારતમાં ટેસ્લાનું પહેલું મોડલ હોઈ શકે છે.જ્યારે ટેસ્લાએ તેની જર્મન સુવિધાને તેની સૌથી સસ્તી કાર માટે તૈયાર કરી છે, તે ભારતીય બજારમાંથી આ મોડલના મોટા વોલ્યુમની અપેક્ષા રાખે છે. જેનું નામ નથી અપાયું એવી રૂ. 20 લાખની કાર, શરૂઆતમાં જર્મનીથી આયાત કરાયેલી કિટ સાથે કમ્પલીટલી નોક્ડ ડાઉન (સીકેડી) રીતે લોન્ચ કરાશે અને બાદમાં ભારતમાં ઉત્પાદિત થઈને સ્વદેશી બનશે તેમ સુત્રોએ જણાવ્યું હતું. વાણીજ્ય પ્રધાન પીયૂષ ગોયલે અગાઉ કહ્યું હતું કે ટેસ્લા ભારતમાંથી આયાત કરેલા પાટ્ર્સની સંખ્યા બમણી કરવાની યોજના બનાવી રહી છે. ગોયલે ફ્રેમોન્ટમાં ટેસ્લાની ઉત્પાદન સુવિધાની મુલાકાત લીધા પછી એક્સ પર પોસ્ટ કર્યું હતું કે ટેસ્લા ઈવી સપ્લાય ચેઇનમાં ભારતમાંથી ઓટો કમ્પોનન્ટ સપ્લાયર્સનું વધતું મહત્વ જોઈને ગર્વ અનુભવું છું. તે ભારતમાંથી તેના પાટ્ર્સની આયાતને બમણી કરવાના માર્ગે છે, ગોયલે સપ્ટેમ્બરમાં કહ્યું હતું કે ટેસ્લા આ વર્ષે ભારતમાંથી 1.7 બિલિયન ડોલરની કિંમતના પાટ્ર્સ મેળવવાનું લક્ષ્ય ધરાવે છે, તેણે ગયા વર્ષે 1 બિલિયન ડોલરના પાટ્ર્સ ખરીદ્યા હતા.
બ્લૂમબર્ગે તાજેતરમાં અહેવાલ આપ્યો છે કે ભારત ટેસ્લા સાથે એક કરાર કરવા જઈ રહ્યું છે જે યુએસ ઓટોમેકરને આવતા વર્ષથી દેશમાં તેની ઇલેક્ટ્રિક કાર મોકલવા અને બે વર્ષમાં ફેક્ટરી સ્થાપવાની મંજૂરી આપશે.જાન્યુઆરી 2024 માં વાઇબ્રન્ટ ગુજરાત ગ્લોબલ સમિટમાં એક જાહેરાત આવી શકે છે, જેમ કે સમાન અહેવાલમાં જણાવાયું છે, ગુજરાત, મહારાષ્ટ્ર અને તમિલનાડુ વિચારણા હેઠળ છે કારણ કે તેમની પાસે ઇવી અને નિકાસ માટે પહેલેથી જ સુસ્થાપિત ઇકોસિસ્ટમ છે.
