ટંકારા પડધરીના ધારાસભ્ય દુર્લભજીભાઈની સફળ રજુઆત

ધારાસભ્ય દુર્લભજીભાઈ દેથરીયાની સફળ રજુઆતને ધ્યાને લઈ મોરબી જીલ્લાની કૃષિ કોલેજ માટે રૂપિયા 13.84 કરોડની મંજુરી મળી. વર્ષ 2024-25 દરમિયાન ગુજરાત સરકારના કૃષિ વિભાગ દ્વારા મોરબી જીલ્લામાં નવી કૃષિ કોલેજ મંજુર કરેલ હતી. જેના અનુસંધાને વર્ષ 2025-26 ના બજેટમાં મોરબી જીલ્લામાં નવી કૃષિ કોલેજના ભવન માટે તેમજ બોયઝ હોસ્ટેલ, ગર્લ્સ હોસ્ટેલ અને મહેકમ માટે રૂપિયા 13.84 કરોડની મંજુરી આપવામાં આવેલ છે. તે બદલ ધારાસભ્યશ્રી દુર્લભજીભાઈ દેથરીયા એ ગુજરાતના યશસ્વી મુખ્યમંત્રીશ્રી ભુપેન્દ્રભાઈ પટેલ તથા કૃષિ મંત્રીશ્રી રાઘવજીભાઈ પટેલનો ખુબ ખુબ આભાર વ્યકત કરેલ છે. તેમજ કૃષિ કોલેજનું નવુ ભવન બનતા મોરબી જીલ્લામાં ખેડુતો તથા વિદ્યાર્થીઓને ખુબ જ ઉપયોગી બનશે.