પાટડીની મુખ્ય બજારમાં રખડતાં ઢોરનો ત્રાસ: વેપારીની દુકાનને ભારે નુકશાન

દુકાનના બહાર લગાવેલા કાંચને ફોડી નાંખતા વેપારીને નુકશાન થયું

ખાસ-ખબર ન્યૂઝ સુરેન્દ્રનગર, તા.8

પાટડી ખાતે રખડતા ઢોરના ત્રાસથી સ્થાનિકો ત્રાહિમામ પોકારી ઊઠયા છે ત્યારે અનેક વખત પાટડીની મુખ્ય બજારોમાં રખડતા ઢોરના લીધે રાહદારીઓને પણ ઈજા પામે છે ત્યારે વધુ એક વખત પાટડી શહેરની મુખ્ય બજારમાં આવેલી દુકાનના બહાર આઉટડોરના કાચને રખડતા ઢોર દ્વારા ફોડી નાખી નુકશાન પહોંચાડ્યું હતું. જોકે શહેરમાં ઠેર ઠેર ઢોરનો ત્રાસને લીધે અનેક વખત તંત્રને રજુઆત કરાઇ છે છતાં તંત્ર રખડતા ઢોરનો લીધે કોઈ દુર્ઘટના થાય અને કોઈને જીવ જાય તે સમયની રાહમાં હોય તેવું જણાઈ આવતું હોવાની આક્ષેપ કરાયો છે.