રાજકોટવાસીઓ માટે સ્પોર્ટ્સ સિઝન શરૂ: શુક્રવારથી સ્વિમિંગ પુલના વાર્ષિક રજિસ્ટ્રેશનનો પ્રારંભ

સ્વિમિંગ પુલની ત્રિમાસિક મેમ્બરશીપ (શિખાઉ અને જાણકાર) માટે 27 માર્ચથી રજિસ્ટ્રેશનની પ્રક્રિયા શરૂ થશે

એથ્લેટિક ટ્રેક, સિન્થેટીક ટેનિસ કોર્ટ, વોલીબોલ, બાસ્કેટ બોલ માટે પણ રજિસ્ટ્રેશન કરાવી શકાશે 

ખાસ-ખબર ન્યૂઝ રાજકોટ

રાજકોટ મહાનગરપાલિકા હસ્તકની વિવિધ રમતગમત સુવિધાઓ અને સ્નાનાગારોમાં નવા વર્ષ 2026-27 માટે પ્રવેશ પ્રક્રિયાની તારીખો જાહેર કરવામાં આવી છે. મનપા સંચાલિત સ્ટેડિયમ, જીમ અને સ્વિમિંગ પૂલમાં હજારોની સંખ્યામાં નાગરિકો નોંધણી કરાવતા હોય છે, ત્યારે આ વર્ષે પણ વહેલા તે પહેલાના ધોરણે રજિસ્ટ્રેશન શરૂ કરવામાં આવશે. 20 માર્ચથી જાણકાર સભ્યો માટે વાર્ષિક અને 27 માર્ચથી તમામ સુવિધાઓ માટે ત્રિમાસિક મેમ્બરશીપ ખુલ્લી મુકાશે.
મહાનગરપાલિકા હસ્તકની વિવિધ રમત ગમતની સુવિધાઓ જેવી કે સિન્થેટીક એથ્લેટિક ટ્રેક, સિન્થેટીક ટેનિસ કોર્ટ, વોલીબોલ, બાસ્કેટબોલ કોર્ટ તથા શ્રી અટલ બિહારી વાજપેયી સ્પોર્ટ્સ કોમપ્લેક્ષ ખાતે આવેલ બેડ્મિન્ટન કોર્ટ, વોલીબોલ કોર્ટ, 02 ટેનિસ કોર્ટ, બાસ્કેટ બોલ કોર્ટ, સ્કોવોશ કોર્ટ તેમજ રેસકોર્ષ જીમ, નાના મવા મલ્ટિ એક્ટીવિટી સેન્ટર લેડિઝ જીમ, શેઠ હાઇસ્કુલ જીમ, હૈદરી ચોક જીમ તથા વિવિધ સ્નાનાગારો જેમકે શ્રી સરદાર વલલ્ભભાઇ પટેલ સ્નાનાગાર કોઠારીયા રોડ, શ્રી મહર્ષિ દયાનંદ સરસ્વતી સ્નાનાગાર કાલાવડ રોડ, શ્રી લોકમાન્ય તિલક સ્નાનાગાર, રેસકોર્ષ, શ્રી સ્વામી વિવેકાનંદ સ્નાનાગાર પેડક રોડ તથા શ્રી જીજાબાઇ મહિલા સ્નાનાગાર, સાધુવાસવાણી રોડ ખાતે શિખાઉ તથા જાણકાર સભ્યો માટે વર્ષ 2026-27 માટે પ્રવેશ પ્રક્રિયા શરૂ કરવામાં આવનાર છે તેમજ રાજકોટ મહાનગરપાલિકા તથા સ્પોર્ટ્સ ઓર્થોરીટી ઓફ ગુજરાતની સંયુકત જઙટ રાજકોટ સ્પોર્ટ્સ પ્રમોશન ફાઉન્ડેશન સંચાલિત શ્રી અટલ બિહારી વાજપેયી સ્પોર્ટ્સ કોમ્પલેક્ષ મવડી ખાતે રમત ગમત સુવિધાઓ જેમ કે બેડમિન્ટન, લોન ટેનિસ, વોલીબોલ, બાસ્કેટબોલ તથા કબ્બડીના કોચીંગ માટે માસિક રજિસ્ટ્રેશનની પ્રવેશ પ્રકિયા પણ શરૂ કરવામાં આવનાર છે. ઉપરોક્ત વિગતે તમામ સ્નાનાગાર ખાતે વાર્ષિક જાણકાર મેમ્બર્સ માટે તા.20/03/2026 ના રોજ વહેલા તે પહેલાનાં ધોરણે વાર્ષિક મેમ્બરશીપ ૂૂૂ.ળિભ.લજ્ઞદ.શક્ષ પરથી ઓનલાઇન, રાજકોટ મહાનગરપાલિકા હસ્તકના તમામ સિવિક સેન્ટર તથા વોર્ડ ઓફીસ ખાતે થઇ શકશે.